الأربعاء، 15 أكتوبر 2008

عـودة من معتقـل الأختفــاء


أشتقت لكم كثيرا .. وأشتقت لتواجدى بين طيآت مدونتى
أشتقت لأخبار كل المدونين .. وكأننى أتطلع على زوايا عالمى من خلال أحرفهم
غبت كثييرا .. بالرغم من أننى كنت أغيب أحيانا لمدة شهر كامل و لم أكن وقتها أشتاق للمدونة مثل شوقى الآن
ربما لأننى تعمقت أكثر مع البعض الآن .. أو ربما لأننى وجدت نفسى بينكم أكثر .. لا أعرف
كل ما اعرفه أن غيابى كان لابد منه حتى أبدأ فى أستجماع أفكارى مرة آخرى
كنت مشتته ذهنيا .. لا أعرف حتى كيف تكتب الأحرف .. فربما ضاعت منى حروف الهجاء وقتها
لم أكن أعرف من أين يجب أن ابدأ ؟ ... وإلى أين يجب ان أتجه ؟؟
لم يكن بعقلى سوى حزنا دفين .. وبألم الفراق كان يمتلأ قلبى
ولكن هكذا حياتنا دائما .. تدق على أوتار الحزن تارة .. وتارة آخرى تتلاعب مع أفراحنا
ولكن أحيانا يتثاقل القلب من كثرة الأحزان المتتاليه .. ويتشتت العقل فيما لا يجب أن تغوص به أفكارنا
فكل شىء قدرٍ ومكتوب .. وليس لنا الا ان نؤمن بإن كل ما فى حياتنا ما هو إلا خيرا قُدر لنا
وها أنا اتعمق فى الحزن مرة آخرى .. بالرغم من اننى حاولت الأبتعاد عنه فترة كبيرة
ولكن هاهو يدق على أبوابنا ثانية .. تاركا لنا علامه بحياتنا
تاركا لنا ذكرى .. لن تمحى بسهوله
أرى حروفى الآن مشتته .. غير مرتبه .. ولا أقوى على ترتيبها للأسف
فالعقل نفسه تائه بين دوامة أيامى .. فكيف لى أن اطالبه بأن يتقن أختياره لأفكاره ؟؟
إلى هنا يجب ان تتوقف أحرفى
قبل أن تتوه أكثر واكثر بين معانى لا وجود لها
ولكن قبل ان أغادر .. أعتذر أذا كانت كلماتى بلغه مختلفه عما أعتاد عليه زوارى
ولكن ما هى الا أحاسيس نثرت بدون أى تحكم منى بها
وقبل أن أنتهى أوجه شكرى لكل من سأل عنى خلال فترة غيابى
وهم
الأخ سحر المغنى
محمود حسن العدل
أشكركم كثييرا أخوانى .. وأعذرونى فأنا لم أقصد التقصير
ولكن كان الأمر يستحق الغياب أو بمعنى أصح الأختفاء
أدعو الله لى ولكم ان يبعد عنا كل حزن .. وكل ألم
آمين آمين يارب العالمين

هناك 76 تعليقًا:

كـــيــــــــارا يقول...

نوووووورتي المدونه تاني ياقمر

اشتقتلك بجد

ومش تغيبي تاني

غير معرف يقول...

السلام عليكم

الف شكر ليكي يا ضي لانك لبيتي طلبنا مجميعا و كتبتي لنا من تاني.
ياسلام على هذه الخاطرة بجد انتي مبدعة يا اختي، لقد لمستني كلماته الحزينة جداا و حسيت بجد غصة الحروف و صراعها..
كما فرحتنا بذكريات رمضان و كبرت فرحتنا في العيد ارجعتني لواقع نعيشه و نتعايش معه.. لقد استطعتي ان تلمس الحزن الموجود داخل كل واحد منا..
بصراحة كانت تجربتكي رائعة و عنوانها اروع وفعلا بتمنالك مستقبل كبير في الكتابة لانه عندك اهم و سائلها وهما التشبيهات الروعة و الاحساس الصادق

مستني ردك يا ضي، سلاام

blue-wave يقول...

الف حمدالله على السلامه

EMMY BABY يقول...

حمد الله على سلامتك ياقمر

وحشنا اسلوبك فى الكتابة اللى بجد احترمته من اول مرة دخلت فيها مدونتك من اول مرة شفت فيها تعليقك عندى وانا احترمتك


ولكن هكذا حياتنا دائما .. تدق على اوتار الحزن تارة .. وتارة آخرى تتلاعب مع أفراحنا
ولكن أحيانا يتثاقل القلب من كثرة الأحزان المتتاليه .. ويتشتت العقل فيما لا يجب أن تغوص أفكارنا به

وهذا بالفعل سر حياتنا فمن كان مؤمنا به يستطيع ان يكمل الطريق ويزداد قوة بعد كل صدمة حتى وان توالت الصدمات يجب ان يكون مدرك منذ البداية عواقبها المحتملة


بجد الحمد لله انك خرجتى من حالة الحزن بسرعة ورجعتى تانى تنورى مدونتك

تحياتى

ايمى

فارس بلا جواد يقول...

(إلى هنا يجب ان تتوقف أحرفى
قبل أن تتوه أكثر واكثر بين معانى لا وجود لها
ولكن قبل ان أغادر .. أعتذر أذا كانت كلماتى بلغه مختلفه عما أعتاد عليه زوارى)
......

أنا مش فاهم كلامك في البوست معناه العودة ولا بداية الأختفاء
بجد لو كنتي ناوية تتركي التدوين يبقي خسارة كبيرة لأن أنتي موهوبة فعلا
أنا بقالي أسبوع كل يوم أدخل مدونة ألاقي ناس بتعلن ترك التدوين لحد بجد ما جالي احباط
المفروض اللي زيك هما اللي يكملوا لأن ربنا وهبهم احساس وموهبة يقدروا يوصلوا بيها لقلوب الناس
لو كنتي عايزة تأخدي فترة اجازة تجددي فيها الافكار يبقي ده أفضل من الأنسحاب لأن فعلا أحيانا بينتابنا شعور بجفاف منبع الافكار ونشعر ان القلم لا يطاوعنا
أتمني تعيدي نظرك في الموضوع ده
وربنا يوفقك للخير

mohamed ghalia يقول...

عود أحمد
فى إنتظار جديدك بإذن الله
سعيد جداا بمعرفت حضرتك
كلمات اكثر من رائعة واسلوب اروع
دمتى بخير وفى سعادة
تحياتى

romansy يقول...

انتى رجعتى فى وقتك
النهارده قمر 14
يعنى مليتى الدنيا كووووووووووووولها
بنورك يارب دايما تنورى كده ياضى القمر
ويبعد عندك الاحزان يارب
وحمد الله على سلامتك

Nabil يقول...

عود حميد

افتقدناك وموضوعاتك كثيرا

يارب الامور تبقى احسن واحسن

تحياتى ودعواتى

mahasen saber يقول...

حمدالله على السلامه ...ونورتى البلوج من جديد
عودا حميدا وبلوجا جميلا وبوستات غزيره ان شاء الله ومفيده كمان...
نورتى يا جميله..

محمود حسن العدل يقول...

السلام عليكم ورحمة الله وبركاتة

اية دة اية اللى انا بقراه دة
اية ياضى فى اية لكل الالم الواضح فى البوست دة ..
لاء انا لما قولت انك وحشتينا وعوزينك تانى بينا مش كنت عوز اسمع الالم وربما الدمع التى اشعر بها .
انتى كدة قلقتينا جامد عليكى.
ضى
اعرفى حاجة ومهمة اوى وامنى بيها كويس اوى .
ان مهما يحصل لينا هو مكتوب ولازم يحصل وان ربنا مش بيعمل حاجة وحشة فى عبادة .
صدقينى انا مش عارف اية الموضوع بالضبط بس بقولك اكيد خير ليكى
عسى ان تكرهو شيئ وهو خيرا لكم
اجمدى كدة
فى اية احنا مش اتعودنا منك على كدة خالص.
اجمدى وارجعى لاقرب الناس اليكى وشاركيهم همك ومشاكلك على شان يفيدك براية ويخفف عنك.
هاقولك اية حتى فى اشد لحظاتك كلامك جميل وبيظهر فية كل احساسك ببراعة
تحياااااااااااااااااااااااااااااااتى

محمود حسن العدل يقول...

ضى القمر
اوعى تقولى انك تختفى تانى
المدونة يعنى الصديق الوافى المخلص ليكى اللى بتشاركك همومك وتتواصل بينك وبينا
تسبينا وتروحى فين بقى
ولا انتى خلاص مش عوزة اصحابك بعد اتعودنا على كتابتك واسلوبك الجميل
دوشتك انا صح ؟؟؟
تحياااااااااااااااااااااااااااااااتى

SHAPE YOUR LIFE (ABOALI) يقول...

تناثر الحروف لا يعنى البعد
تناثر الحروف يجعل مغناطيس قلبك يقربك اليها
اشحنى قلبك فالحياه الوان
الحياه الوان
الحياه الوان

عودا احمد

mostafa rayan يقول...

عزيزتي الجميلة ضي القمر
اهلا بعودتك مرة تانية ويارب تكوني قدرتي ترتبي افكارك خلال فترة الأبتعاد دي
كل واحد مننا بيحتاج فترة يقف فيها مع نفسه و يراجع حساباته
وانتي مش محتاجة تشكرينا للأننا بنسأل عنك لأن دةالطبيعي لأننا اخوات واصدقاء ومافيش بين الأخوات شكر
تحياتي لك ودمت بخير

mostafa rayan يقول...

انابردة بشارك اخي محمد حسن العدل في رأيه
لو عندك مشكلة ياريت لو نشاركك فيها
احنا اخوات والأخوات قلبهم لازم يكون على قلب بعض
يسر لك الله كل الأمور

KHALED يقول...

ما كل هذا الحزن ...؟؟؟؟
و بعدين هوا انتى عاملالنا اختبار ولا أية ..؟؟ ههههههه
حمداللة على السلامة

غير معرف يقول...

حمدا لله على سلامتكم

ابقوا افيدونا برأيكم
فى البوست الجديد
على
فنون التغيير

نسيج جديد

وتقبلوا تحياتى

ضــى القمــر يقول...

كيارا

حبيبه قلبى انتى اللى نورتينى بجد
وعطرتى مدونتى بشذى تواجدكِ الجميل
أجمل تحيه من قلبى لكِ ايتها الغاليه
الله لا يحرمنى منكِ ابدااا ابدااا

ضــى القمــر يقول...

سحر المغنى

وعليكم السلام ورحمة الله وبركاته

انا من اشكرك يا اخى على سؤالك الغالى عنى ..

واشكرك مرة ثانيه على رأيك الكريم فيما كتب ..

هو كان مجرد احساس غريب .. وحزن بسبب فقدانى لأنسانه غاليه عليا جدااا ..

الله يرحمها ويجعل مثواها الجنه يارب .

أسعدتنى كلماتك كثييرا يا اخى .

وأشكرك على زيارتك الدائمه ورأيك الذى انتظره دوما

تحيتى لكِ

ضــى القمــر يقول...

blue-wave

الله يسلمك يا اخى ..

شكرا لك ردك الكريم .. وشكرا لزيارتك الغاليه للمدونه

تحيتى لك

ضــى القمــر يقول...

EMMY BABY

الله يسلمك يا حبيبتى يارب

والله انتوا اللى وحشتونى جداا يا ايمى .. وبجد وحشتنى ردودك الجميله دايما .

ايمى ..

نحمد لله دائما وابداا فى السراء والضراء .. والحمد لله على ما قدر لنا من خيرا دائما .

ولكن كانت كلماتى عبارة عن أحاسيس حزينه .. والحمد لله فى طريقها للألتاءم إن شاء الله .

شكرا لكِ على اجمل تعليق واروع احساس بحسه بين معانيكِ

تحيتى لكِ اختى

ضــى القمــر يقول...

فارس بلا جواد

أهلا بك اولا يا اخى ..

وبصراجه انت معاك حق فى ردك ..
انا كنت غامضه فى البوست ده جدااا .
يمكن ده كان لأحساس متساوى ما بين حزن وشوق للكتابه .
فظهرت كتابتى غريب ومش مفهوم منها حاجه .

وانا كمان كنت فى حاله من اللاوضوح ..

بس صدقنى يا اخى البوست ده كان عودة من معتقل الأحزان .. يارب يارب ما يصادفنا اى حزن تانى ابدااا

وبخصوص من اعلن انسحابه من التدوين ..

فأنا كمان صادفت كثيير تركوا التدوين . وبدعى الله ما يصادفنا جميعا يوم نفكر فى كده :)

ومرة تانيه بشكرك على رأيك الغالى والذى اقدره كثيرا .. لأنه نابع من كاتب محترف ومتميز

تحيتى لك يا اخى وتقديرى .

ضــى القمــر يقول...

mohamed ghalia

أهلا بك اخى محمد وبزيارتك الغاليه .

واشكرك على كلماتك الغاليه وتعليقك .

وصدقنى انا من استفد رأى غالى وتواجد أجمل بمعرفتك .

تحيتى لك واحترامى الدائم .

ضــى القمــر يقول...

romansy

أهلا بك يا رومانسى .

وبجد شكرا لك على ذوقك وعلى كلماتك الرائعه .
وبدعى الله معك ان يبعد عنا جميعا الأحزان ..
أمين أمين يا رب العالمين .

أجمل تحيه من القلب لك يا اخى

ضــى القمــر يقول...

Nabil

شكرا لك وعلى دعوتك الغاليه يا نبيل .
وشكرا لك جمال زيارتك وتعليقك .

تحيتى ودعواتى لك ايضا بالتوفيق فى كا ما تتمناه .

تقديرى واحترامى لك

الازهرى يقول...

صديقتى العزيزة

لا اعرف كيف اوصيك بما اعجز انا عنه
ولكن اقول ان تركت نفسك للاحزان فستجدين فجأة انك قد دتها الى اضعاف ما هى فيه
كما ان قولك
أرى حروفى الآن مشتته .. غير مرتبه .. ولا أقوى على ترتيبها للأسف
فالعقل نفسه تائه بين دوامة أيامى .. فكيف لى أن اطالبه بأن يتقن أختياره لأفكاره ؟؟

فمهما كانت مشتته فلن يجمعها تركها ولكن نكتب اكثر حتى نفرغ ما بداخلنا وننسقه فنكون افضل من الجلوس وحيدين

تحياتى ودعائى بانتها تلك الازمة على خير

أمل حمدي يقول...

حبيبتي ضي القمر

حمد الله على سلامتك

مالك يابنتي ايه اللي مزعلك

انت لسه صغيرة وياما هاتتعلمي

اجمدي وعلى رأي ياسر عرفات الله يرحمه

يا جبل مايهدك ريح

كل حزن بيعدي ويفوت

ولو وقف امسكي له نبوت

انسيه وقوليله مافي حد قبل ميعاده

بيموت

عايزة اشوفك بمدونتي

اوعي تتاخري

سلام يا حبيبتي ياغالية

أكون أو لا أكون يقول...

حمداً لله على السلامه ياضي...
سلامتك من أي حزن... وضيق...

أتمنى أن تكوني بألف خير...

Tamer Alhosiny يقول...

عزيزتي ضي القمر

حمدلله علي سلامتك
واتمني انك مش تغيبي مرة اخري
وتمتعيني بكتاباتك الجميلة

عايز اقول للناس الاي سئلو عليكي
يارتني كنت معاكم
يارتني كنت معاكم

هههههههههههههههههه

عملوها من ورايا
ههههههههههههههههه

تحياتي
وحمدللة علي السلامة مرة تانية
ومستني منك بوست قريب

تامر الحسيني
انسان عاشق حر

سارة نجاتى يقول...

أنا مضايقة لأنك مضايقة , لأنى عارفة احساس الحزن لما يكون متواصل فترة على بعضها , غير لما تزعلى شوية فى نص اليوم و خلاص , أهم حاجةحاولى تقعدى مع ناس على قد ما تقدرى مش العكس , صدقينى ح تحسى بأثره مع الوقت , ح يقلل الموضوع معاكى .

و مستنياكى تنورى مدونتى اللى عندها أسبوعين دى , زى ما نورتى مدونتك.

سلام

DINA ABBAS يقول...

حمد لله على السلامه نورتى مدونتك تانى

وياريت متغبيش كده تانى لانى بجد افتقدتك

لكى منى كل التحيه

mahasen saber يقول...

ايه يا ضى انتى رجعتى المعتقل تانى ولاا ايه
.....
طب اجيب بطاقتى واطلعك على ضمانتى
...وحشتينا يا جميله يله بقه
....

mostafa rayan يقول...

ضي القمر
انتي فينك بقي مش ناوية تكسري اسوار المعتقل دة والقمر يرجع ينور ويضحك تاني
القمر وحشنا بجد ومشتاقين جدا لنوره

محمود حسن العدل يقول...

ضى القمر
انتى فين ولية غبتى عنا تانى
هو احنا مش بنوحشك ولا حتى مدونتك بتوحشك ولا اية ؟؟؟
عموما ان كنتى ياستى بتتقلى على شان تعرفى قرائك قد اية منتظرين اول بوست ليكى باستمرار ومشتاقين لاسلوبك المميز
ماشى ياستى
انتى كسبتى فعلا واحشنا اسلوبك وتعليقاتك.
تحيااااااااااااااااااااااااااااااااتى

Unknown يقول...

حمدالله على سلامتك

وان شاء الله ترجعى لينا باحلى المواضيع

واتمنى ان تكونى فعلا قد قمتى بتجميع افكارك

لك كامل احترامى اختى الرقيقة

من بعيد .. بكتبلك

غير معرف يقول...

ضى القمر

ألف حمد لله على السلامة

نورتينا من تانى ويارب تفضلى منورانا على طول

انتى عارفة مسحة الحزن اللى اتكلمتى عنها دى أحيانا بحس نها ضرورية علشان نعرف أصحابنا كويس الصديق هو للى بيقف معاكى فى شدت

مستنين كلمتك الرقيقة

تحياتى

ضــى القمــر يقول...

mahasen saber

أزيك يا قمر .. أسفه انى أتأخرت فى الرد عليكى .. لكن ظروف فى حياتى شغلتنى والله مش اكثر .. مش عن المدونه بس لكن عن النت ككل والله .

وبجد شكرا لكي حبيبتى على زيارتك ..

نورتنيى .. ودايما بشتاق لتواجدكِ دايما .

تحيتى لكى يا قمر

ضــى القمــر يقول...

محمود حسن العدل

دايما ما يشرفنى تواجدك يا اخى .

أشكرك على تواجدك وعلى نصيحتك الغاليه .. وسأتذكرها دوما إن شاء الله

أشكرك يا اخى على كلماتك التى تسعدنى دائما .

وقريبا جداا سأتواجد مرة آخرى كما كنت .. واكثر إن شاء الله

وتقبل فائق تحيتى واحترامى لك ..

ضــى القمــر يقول...

محمود حسن العدل

زى ما قولت .. المدونه زى الصديق الوفى .. ومثل بيتى ..

يبقى إن شاء الله مش ممكن ابداا ابعد أو اتخلى عن بيتى ..

أخى الكريم

أشكرك على كل ما قدمت لى هنااا

وتقبل تحيتى الغاليه لك دوما

ضــى القمــر يقول...

ABOALI

صدقت بكلماتك يا اخى

الحياة حقا ألوان .. لكن احيانا يقهرنا لونها القاتم لبعض الوقت ..

وبعدها نعود نرى جمالها والوانها مرة أخرى

تحيتى لك ولزيارتك الغاليه دوما يا اخى

تقديرى واحترامى لك

ضــى القمــر يقول...

mostafa rayan

شكرا لك لسؤالك اولا يا اخى ..

ثم لكلماتك وردك هناا ..

وإن شاء الله سأتخطى هذه الفترة قريبا .. واعود كما كنت إن شاء الله .

واعتذر لأننى سببت بعض القلق هناا

بكل معانى الشكر اشكرك يا اخى

تحيتى لك يا اخى

ضــى القمــر يقول...

mostafa rayan

اخى الكريم

الحزن اللى كان ساكن كلماتى هنا لم يكن بسبب مشكله وتاهت خطاى بحلها .. ولكن كان بسبب فقدانى لقريبه لى كانت لى كالأخت الكبيرة دائما .. كانت لى نعم الأخت دائما وابدا ..
ومن الطبيعى أن يسبب فقدانها كل هذا الحزن واكثر ..
إن شاء الله يا اخى سأتخطى هذه الفترة .. واعود كما كنت دائما .. إن شاء الله

أشكرك يا اخى مرة آخرى ..

تحيه طيبه منى لك

ضــى القمــر يقول...

Khaled

انا فعلا بعد ما خلصت البوست .. لقيته شكل الأختبار مش مفهوم للكثيرين .. لكن زى ما قولت كانت احاسيس غير محبوسه .. خرجت فى الكتابه كما هى ..

والحمد لله .. كان اختبار مختلف على زوارى شويه ..

شكرا لك ولتواجدك ولزيارتك يا اخى

تحيتى لك

ضــى القمــر يقول...

Say No!

الله يسلمك يا اخى

إن شاء الله سأقوم بزيارة مدونتك الرائعه .

تقبل تقديرى واحترامى لشخصك يا اخى

انت تسال والكمبيوتر يجيب يقول...

عاوزين رايك فى بوست جديد بعنوان لعب وحب وجد وقتل
salah h: http://netonradio.blogspot.com

mostafa rayan يقول...

ضي القمر
معقولة يعني كلامك دة هو في بين الأخوات شكر احنا لوماسألناش عنك يبقي اصلا مانستحقش نكون اخوان ليكي
رحم الله قريبتك ورحم كل موتى المسلمسن ولكن يا صديقتي الحزن لن يعيد من ذهب
اسألي الله الرحمة لها
خليكي جدعة كدة وعدي احزانك
مستنين العودة الجامدة من احلى قمر في الدنيا
تحياتي لك ايتها الأخت الجميلة

مـجـنـووون يقول...

حمدالله علي السلامه

وفي انتظار الجديد

ويا رب إلي أخرك عنا يكون اتحقق


تقبلي مروري
مجنووون

غير معرف يقول...

الأخت الكريمه
تحيه طيبه وبعد
اعجبنا رايك فى مدونة الأخ شمعى اسعد وطريقة عرضه وسعدنا بزيارة مدونتك
ولذلك ندعوك للأشتراك بالراى
فى برنامجنا الأذاعى
وهو اول برنامج عن النت والمدونات المتميزه
نرحب بتعليقاتك فى مدونتنا
وهذ التعليقات تذاع بعد ذلك فى برنامجنا اليومى
الذى يذاع من أذاعة البرنامج العام اى الأذاعه الرئيسيه لمصر
يوميا عدا الجمعه التاسعه وعشر دقائق صباحا
مع تمنياتنا لك بموفور الصحه والسعاده
مدونتنا
http://netonradio.blogspot.com

ahmed_k يقول...

حمدالله على السلامه يا ضي
ونصيحتي لكي أجعلي مدونتك هي المتنفث
لكى من الهموم
فكل هم يحبس في النفس يصبح جبلا
وكل هم مبحوح به يصبح قزما
وسلمي الأمر لله فهو القادر على إزالة الكروب
وتبديل الهم بالفرح والسرور

ومتتأخريش عننا تاني
دمتي بكل خير

صبرني يارب يقول...

نورتي البلوجر كله يا جميل

ويارب يكون خير
وربنا يبعد عنك الاحزان

ويثبتك ويصلح ما بين اديكى

FreeKiller يقول...

ربنا يبعد عنك الحزن دايما

مستنيين جديدك بفارغ الصبر يا قمر

تحياتي

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك.
ضع بنر الحملة من علي مدونتك البنر موجود علي مدونتي

ضــى القمــر يقول...

الازهرى

أخى الكريم

أهلا بك وبزيارتك الاولى الغاليه .

أعتذر عن تأخيرى فى الرد على تعليقك يا اخى .. لكن فترة أشغلتنى عن النت ككل ..
استمعت لنصيحتك جيدا يا اخى .. والحمد لله تخطيت هذه الفترة . وعودت مرة آخرى كما كنت دائما

وادعو لك يا اخى بما دعوته لى

اتمنى انتهاء وزوال الأزمه التى تعجز عن تخطيها يا اخى :)

تحيتى لك , وادعو من الله أن يجعل بخير وبراحة بال دوما

ضــى القمــر يقول...

ماما أمولة

اختى الغاليه

بكل صدق كم يريحنى تعليقك .. ويجعلنى أشعر ان لى اخت غاليه معى دائما وابدااا

اموله .. كان حزنى لفترة .. والحمد لله مرت على خير .

شكرا لكِ يا اجمل اموله .. كلماتك ونصيحتك العاليه عندى جدااا

أجمل تحيه .. لأغلى غاليه

ضــى القمــر يقول...

أكون أو لا أكون

سلمتِ لى يا اختى .. وسلمت لى كلماتك وتواجدكِ معى .

شكرا لزيارتك وتعقيبك الجميل يا قمر .

تحيتى من القلب لكِ

ضــى القمــر يقول...

Tamer Alhosiny

الله يسلمك يا اخى يارب ..
وبعدين لا ياريت ولا حاجه .. نحن كلنا اخوة .. وأعلم ان الجميع يسألون على بعض فى الغياب .. وحتى وإن لم يتركوا تعليق ..

شكرا لك وشكرا لسؤالك وشكرا لجمال تعليقك يا اخى ..

تحيتى لك

ضــى القمــر يقول...

سارة نجاتى

أهلا بكِ معنا فى عالم التدوين يا سارة .. ومبروكِ عليكِ افتتاح مدونتكِ يا قمر ..

وشكرا لكِ ولزيارتكِ الغاليه عندى كثييرا ..

فمن تعليقكِ اراكِ شخصيه جميله حقا

تحيتى لكِ اختى .. واعتذر لتآخيرى فى الرد عليكى .

ضــى القمــر يقول...

عاشقة الاستقرار

اهلا بكِ يا قمر .. الله لا يحرمنى منكِ ابدااا ولا من تعليقاتكِ
وإن شاء الله مفيش غياب تانى بإذن الله .
وبجد شكرا لكِ يا اجمل اخت :)

ضــى القمــر يقول...

mahasen saber

محاسن فين بطاقتك .. قالوا إنى مش هخرج غير لما محاسن تخرجك .. وانتى ولا سألتى فيا خالص ..ههههه

لأ خلاص خرجت من المعتقل اهو والحمد لله .
وإن شاء الله مفيش غياب تانى

شكرا لكِ يا اغلى اخت

ضــى القمــر يقول...

mostafa rayan

شكرا لك يا اخى تعليقك مرة آخرى :)
وخلاص انفكت الأسوار .. ورجعت الحمد لله .
تحيتى لك ولتواجدك الدائم هنا يا اخى
تقديرى واحترامى لك

ضــى القمــر يقول...

محمود حسن العدل

اخى الكريم .. والله لا تقل ولا حاجه .. هو انا اقدر ابعد عن اخواتى .. مستحيل طبعا .
كل الحكايه كانت فترة بس للتغير ولتجميع الأفكار .. ورجعت والحمد لله .
شكرا لك يا اخى .. وشكرا لسؤالك الغالى

تحيتى لك ايها الراقى

ضــى القمــر يقول...

البحث عن أنا شىء جنونى

الله يسلمك يا اخى الكريم ..

واهلا بزيارتك الغاليه .. وتواجدك الراقى .
والحمد لله عادت الأفكار و توحدت الحمد لله مرة آخرى

شكرا لك كثييرا يا اخى على تعليقك الراقى

تحيتى لك ولتواجدك

ضــى القمــر يقول...

المحارب المتيم

شكرا لك يا اخى على زيارتك وكلماتك ..
ويارب ما نشوف اى مسحات حزن تانى .. واحنا ممكن نعرف اصحابنا بجد من غيرها .. صح ولا لأ :)

تحيتى لك ولتواجدك الراقى

Ahmed El-Agouz يقول...

اسمح لي ان اشاركك هذة التدوينة الرائعة التي اعتقد انها تعبر عن حالة الكثير منا الان اشعر بذلك عن الدخول الي الكثير من المدونات الاخري والي مدونتي ايضا

ربنا يفرج عنك وعننا جميعا
العجوز

mahasen saber يقول...

لا كده نسمى البوست عوده اليى معتقل الاختفاء والصمت كمان
..........
ايه رحتى فين اظهر وبان وهجيبلك كيلو بتنجان
ايه يا ضى رحتى فين يا حبيبتى
.......

saheda.com يقول...

السلام عليكم
هذه اول زيارة لى
تقبلى مرورى
والحمد لله على عودتك

ضــى القمــر يقول...

CAIROCOMPUTER

هلا بيك يا اخى ..

نورت المدونه بزيارتك .. وسأقوم بزيارتك إن شاء الله

تحيتى لك

ضــى القمــر يقول...

mostafa rayan

هلا بيك أخى الغالى .. خلاص الحمد لله مرت المحنه على خير .. ورجعت جدعه :)

شكرا لك يا مصطفى وشكرا لسؤالك يا اخى

تحيتى لك وتقديرى

ضــى القمــر يقول...

مـجـنـووون

أشكرك اخى الكريم على التواجد الغالى .

الله لا يبعدنا جميعا عن مدوناتنا ابداا

شكرا لك يا اخى

وتحيتى لك ايها الراقى

ضــى القمــر يقول...

البرنامج الأذاعى انت تسال والكمبيوتر يجيب يدعو الجميع

شكرا لك يا اخى .. عن رأيكم الغالى .. إن شاء الله سأتواجد معكم دوما ..

تحيتى لك يا اخى .

ضــى القمــر يقول...

ahmed_k

أخى الكريم .. أهلا بك أولا :)

واشكرك على نصيحتك الغاليه التى سأضعها أمام عينى دوما .

الله يقوينا جميعا يا اخى

اجمل تحيه وتقدير لك يا اخى

ضــى القمــر يقول...

صبرني يارب

حبيبتى الغاليه

ربنا يخليكى لى يارب .. شكرا لزيارتك وكلماتك يا قمر

وتحيتى لكِ غاليتى :)

لا تحرمينى من تواجدك الدائم معى .

ضــى القمــر يقول...

FreeKiller

حبيبتى ربنا يخليكى لى يارب ..

الحمد لله عدت الأيام ورجعت .. وبجد وحشتينى جداا ..
شكرا لكِ تواجدكِ وكلامكِ يا اختى .

ضــى القمــر يقول...

م/ الحسيني لزومي

إن شاء الله سأشارك معكم يا اخى ..
الله يوفقكم جميعا .

تحيتى لك

ضــى القمــر يقول...

Ahmed El-Agouz

أخى احمد .. أهلا بتواجدك وزيارتك الغاليه
وصدقت يا اخى .. الكثير يمرون بهذه الحاله .. واضح أن الحزن أصبح رفيقا للجميع .
ولكننى سأدعى معك بدعائك ..
ربنا يفرج عنك وعننا جميعا
أمين يارب .. شكرا لك تواجدك الراقى يا اخى .

ضــى القمــر يقول...

mahasen saber

ههههههههه .. حبيبتى خلاص انا رجعت .. فين البتنجان .. جهزيه بسرعه وانا هاجى اخذه منك :)

تسلميلى يارب يا محاسن .. ويسلملى كلامك وسؤالكِ عنى ..
كل الحب لكِ اختى :)

ضــى القمــر يقول...

saheda.com

يا هلا بك يا اخى ..
نورت المدونه بزيارتك الغاليه .. واسعدنى كثيرا
واشكرك على حسن تعليقك .
تحيتى وتقديرى واحترامى لك يا اخى