الأحد، 15 فبراير، 2009

حفـلـة أم مهـزلـة ؟؟!!


قرأنا مؤخرا جميعا عن حادثه المنصورة .. والتى كان سببها مجرد حفـلـه !!
بالفعل شىء غريب . ولكن هل العيب كان من ابناء المنصورة .؟
أم من المطرب الذى تعدى كل التنظيمات التى حددت للحفله . وفرض رأيه وقال بأنه من الواجب تغير هذه التنظيمات حتى يتم التفاعل معه .
أم الخطأ من الحرس الأمن ومن القائمين على تنفيذ قرارت مديريه امن الدقهليه التى قد قررت مسبقا الفصل بين الجنسين لعدم حدوث مشاكل كالتى حدثت .
من المخطىء هنااا حقا ؟؟
ومن المتسبب فى حدوث هذه المهزله ؟
ومن المذنب فى حق 150 فتاه تسببن للأختناق بسبب ما تعرضن له من أضرار الأختلاط بينهم وبين الشباب ؟
أسئله كثيرة . ولكن المطرب لم يصمت عن الاجابه عنها .
فكانت دمعاته كانت خير دليل على الخطأ من أبناء المنصورة فقط
وكانت دليل على ان ابناء المنصورة همجيين .. ولا يصح معهم أحياء حفلات
وكأن الخطأ كان منهم فقط .. وليس الخطأ منه حين فرض رأيه وقال أنه لابد من الاختلاط وإلا ستلغى الحفله فورا .
وهذا الكلام نقلا ممن حضر الحفله .
ولكن بنظرة تخيليه للموقف .. ما الذى كان سيحدث لو طلب المطرب هذا الطلب ورفضه القائمين على التنظيم وبشده .
وبالتالى رفض رجال الأمن تنفيذه الطلب ..
هل كان سيأمر بألغاء الحفله حقا ؟؟ أم كان سيتقبل وقتها الأمر بصدر رحب ؟
ويعرف ان الرفض كان لمصلحه البنات أخواته ( مثلما قال عنهم ).
انا شخصيا اعتقد انه كان سيقوم بألغاء الحفله فورا.. وهنا كان سيكون الوضع أفضل ألف مرة مما حدث .
وكان الخطأ سيكون من شخص واحد .. وبلا أضرار أخرى لأحد .
وخسارة حفلة بأحترام .. أفضل من ربح خمس دقائق منها ومعهم مهازل كثيرة .
ولكن ما حدث أن الكل أذنب ..
والكل الآن يدعى البراءة .
وختاما هذا الفيديو يوضح الكثير من الحقائق عما حدث حقا .. وعن من أخطأ حقا .. وليمسح المطرب دمعاته .!


تـحديـث هـــام


لكل من قرأ كلماتى وفهم منها اننى أدين المطرب فقط على كل المهازل التى حدثت
انا لم ادينه هو فقط .. ولكن قلت ان الكل أخطأ ولومت القائمين على التنظيم اكثر وأكثر .
فلولا اهمالهم للخطط المرتبه للحفله .. لما شاهدنا كل ما حدث .
وكما قالت بعض التعليقات أن الخطأ كان من البنات وانهن من تركن أماكنهن .
التنظيم كان ينص على ان الشباب يكونوا بمدرجات الأستاد . والبنات فى ارض الملعب .
وحين طلب تامر حسنى من الجمهور الذى بالمدرجات ان ينزل لأرض الملعب ( وهذا الكلام ثقه ممن حضر الحفله وسمع هذا الكلام من تامر نفسه ) بدأ بعدها الهجوم من الشباب لأرض الملعب .. والبنات مازلن فى مكانهن فى ارض الملعب .. أى لم يكن الخطأ منهن .
ومرة آخرى اكرر .. لا ادينه فقط .. ولكن ادين التنظيم ككل .
وكما علمنا من الصحف أن النائب مصطفى الجندى تقدم ببيان لمجلس الشعب حول الاحداث التى حدثت للطالبات فى الحفل وهاجم النائب فى بيانه ادارة الجامعه لسوء تنظيمها ولأنها سمحت بازالة الحواجز بين البنات والاولاد فى حفل تامر حسنى . وكان يجب مراعاة التنظيم بشكل جاد لأن الحفله بالجامعة و لابد ان تكون بها ضوابط لان هناك ناس نعرضت للتحرش والضرب والاصابات
وهناك وقائع ومحاضر تم تحريرها وهناك محاضر اخرى فى الطريق وهناك الكثير من الاهالى ذهبوا الى رئيس الجامعة للشكوى
أخيرا .. أعتقد ان كل هذه المحاضر لن تقدم ضد تامر حسنى بل ستقدم ضد ادارة الجامعه نفسها .. لأن الخطأ الأكبر كان منها .
واحقاقا للحق . رفعت رد تامر لكم كما رفعت الكلام الذى كان ضده .





ملحوظه : أهتمامى بالأمر هكذا ليس لأنه يمس تامر حسنى .. بل لأنه يمس المنصورة .لا اكثر .
وتحيتى للجميع

هناك 39 تعليقًا:

romansy يقول...

مش عارف ايه اللى حصل فى الدنيا بقى حفله تقلب كده بسسب قله النظام
مش عارف اقول ايه

mohamed ghalia يقول...

دائما لانعرف حجم المشكلة إلا بعد حدوثها
دمتى بكل الود

Zanooba (Zeinab sab9n) يقول...

بجد كوارث يعني
و كويس أنه عيط في الخير يعني !!! أنا مكنتش أعرف حاجة عن الموضوع يعني !! آه شوفي اللينك اللي أنت حطاه تحت عشان رابيد شير كتب أنه مش موجوود
دمتي بخير و مستنين جديدك
زينب

سحر المغنى يقول...

بوست جاامد شوية

و انا مش متابع الحكاية الصراحة

ح اتابعها و لي رجعة ان شاء الله

الازهرى يقول...

لا اتابع الموضوع لاننى لست من محبى الاغانى
الخطأ من اقامة مثل هذه الاحتفالات اساسا والتبذير فى وقت ينحدث فيه الجميع عن معاناتهم مع الاسعار وخلافه وان الميزانية لا تكفى لتعليم الابناء
كم ا ان التسيب والانحلال فى مثل تلك الاماكن ليس بمستغرب

تيحاتى دوما

ABOALI يقول...

ههههههههههههههه
شر البلاء ما يبكى ويضحك
حفلة لمطرب متهرب من الجيش
ليس له اى انتماء
يحضر الحفل اكثر من 25 الف شاب
وشابة
وتحدث حالات دوخة مزعومة ناتجة عن التكالب على رؤية الملاك الطاهر ان ما حدث يعبر عن
خلل المنظومة الفكرية وحالة التوهان التى تعطى
جرس انذار ان القدوة تغيرت
وعندنا حالة من الغفوة العقلية
منعدم فيها طريقة استخدام الصحة او اوقات الفراغ

سؤال
ليه بنت تروح حفلة مثل دى سيتم فيها انشاد هرتلة كلامية كلها تحث على الاحضان وتبادل القبلات

الحديث عن مثل هذة الحفلات يثير الاشمزاز فعلا

ونحتاج ان نستفز انفسنا لنصحح حالة التخوخ التى تفشت فى شباب هم منا ونحن منهم


تحياتى

(احمد سكر ) يقول...

السلام عليكم

ازيك يا حروف

بقالى كتير مجتش هنا

سامحينى

بصى ياستى انتى هنا بتلومى المطرب لوحده

طب وفين البنات سمحو لنفسهم ليه بالختلاط ؟؟

مش هنلوم الشباب هيقدرو يتصرفو

بس البناااات

منظوومه فاشله صدقينى

تحياتى

احمد

موناليزا يقول...

كنتى وضحى اكتر
فيه اصابات ولا ايه؟
والحفلة كملت ولا لا؟
سمعت ان فيه حاجة حصلت يومها بس ايه هى مش عارفة
هعتمد عليكى بقى فى التوضيح:)

كيــــــــــــارا يقول...

لا حول ولا قوة الا بالله بجد بجد مهزله

هنوصل لفبن بقي بعد كدا

رحماك يارب

blue-wave يقول...

هوا دا تامر اصلا
وهوا اللى بيكون متفق مع شويه بنات على الحركات دى
معتوة اصلا

ضــى القمــر يقول...

romansy

اخى الكريم ..
أهلا بك وبالرد الأول يا اخى .
احنا كمان مش عارفين نقول ايه .
لكن واضح ان تامر حسنى ناوى على كده فى غالبيه حفلاته.. مثل ما حدث فى حفلة الجزائر .
ولكن لا ننكر ان الخطأ من الجميع هناا وليس منه فقط .
شكرا لك ولزيارتك يا اخى .

ضــى القمــر يقول...

mohamed ghalia

صدقت يا اخى .
دائما لا تحسب عواقب الأمور إلا عندما نرى المهاذل بأعيننا .
تحيتى لك .

ضــى القمــر يقول...

Zanooba (Zeinab sab9n)

اختى الجميله .. نورتينى اولا :)
لكن احب اوضح حاجه ان عياط تامر حسنى ماكنش للخير . لكن كان من استغرابه من اللى حصل ومن خوفه على حد قوله على البنات واللى حصل ليها . طيب ليه فرض رأيه من الأصل ان التنظيم يتيغير أصلا .
يعنى عياطه من رأيى ماكنش للخير .
وانا غيرت اللينك بفيديو مباشر يا اختى .
ولكِ الحكم بعد الأستماع له .
كل تقديرى وحبى لكِ

ضــى القمــر يقول...

سحر المغنى

اخى الكريم .
أشكرك على رأيك الذى يسعدنى دوما .
واعرف ان الكثير لم يتابعونه . ولكن حينما يخص الامر بلدى . فأعتقد أنه من الأفضل ان اوضح بعض الامور .
اشكرك يا اخى .
وفى انتظار عودتك يا اخى .
تحيتى لك

ضــى القمــر يقول...

الازهرى

اخى الكريم .
انا معك تماما فيما قلت .
ولكن من الممكن ان يختلف البعض عن هذا الرأى ., ولكن اختلاف طبيعى وليس مشترطا فيه كل هذه المهاذل .
واشكرك يا اخى
تحيتى واحترامى لرأيك .

ضــى القمــر يقول...

ABOALI

هلا بيك برأيك الصائب دوما يا اخى .
واعتقد أن حالات الاغماء لم تحدث فى هذه الحفلة فقط .. ولكن هى تحدث فى كل مكان يغنى به تامر .. وكما قالت بعض الصحف أن تامر اتهم بأنه يقوم بتأجير فتيات يصلحن للأغماء .:)
اما عن القيم التى تسأل عنها يا اخى .
فأعتقد ان الأمر غير مهم عند الكثير .. كما ليس مهما من هو القدوة حقا .

وعن اجابة سؤالك .
فلن نظلم كل الفتيات ونقول انهم ذهبوا لأى سبب آخر سوى ان يستمعوا لمطرب مفضل لهم . والتنظيم من البدء كان يمنع الأختلاط وكان بحق مرتب .
ولكن حدث العكس تماما للأسف .
أشكرك يا اخى
واشكر ردك الراقى دوما .

ضــى القمــر يقول...

(احمد سكر )

وعليكم السلام ورحمة الله وبركاته
هلا بيك يا اخى فى اى وقت :)
قرأت ردك جيدا يا اخى . ولكن انا لم ألوم المطرب وحده .
بل قلت ان الكل مذنب والكل اخطأ
ولكن ايضا لا اقول ان الخطأ من ابناء المنصورة وحدهم .
وانا بكلامى قلت ان القائمين على تنظيم الحفل اخطؤا أكثر .
لكن اللى اقدر اثق فيه ان الخطأ مش من البنات .. لأنهن وجدن تدافع الشباب من المدرجات للملعب .. يعنى مش هما اللى طلبوا الأختلاط ده .. ده فرض عليهم .
وعلشان كده اتصاب منهم 150 بنت بأختناق .. ومنهم سيدة كانت حامل وتسبب ليها نزيف .

ولكن بكل صدق اوافقك الرأى ..
منظومه فاشله .
وتحيتى لك واحترامى

.

ضــى القمــر يقول...

موناليزا

أولا .. أزيك يا قمرة .
ثانيا : انا عارفه ان الموضوع معروف من فترة .. وكثير من المواقع عرضته .
وعلشان كده اتكلمت عن الوضع بوجه عام من رأيى وبس .
ونزلت رابط الفيديو اللى لقيت انه أحسن فيديو شرح الأمر بشكل أوضح .
واعتقد يا مونى أن الفيديو فيه توضيح افضل بكثيير من اللى ممكن اقوله .
لأن شرح الأمر بشكل عام .
واشكرك مرة ثانيه .
وفى انتظار عودتكِ يا غاليه .

ضــى القمــر يقول...

كيــــــــــــارا

هلا بكِ كيارا .. وحشتينى يا اختى :)
وبجد نورتينى بتعليقكِ .
اما سؤالكِ هنوصل لفين .. فأعتقد أننا بنقدر نلاقى اسوء الطرق اللى نوصل ليها دايما وبسهوله للأسف الشديد .
رحماك يارب
اجمل تحيه لأغلى أخت .

ضــى القمــر يقول...

blue-wave

اخى الكريم .
أشكرك على توضيح رأيك الغالى هنا .
وعن جد صدقت فيما قلت .
تحيتى لك يا اخى .
واحترامى لشخصك

نهر الحب يقول...

جت على دى يعنى ؟؟
المهازل كتير
بس عموما الراجل قال انه كان رايح يعمل خير بصوته
ويتبرع بالاجر لصالح الطلبة المعثرين
والله اعلم

محمود حسن العدل يقول...

السلام عليكم ورحمة الله وبركاتة
بصراحة انا اول مرة دلوقتى اعرف الخبر دا منك دلوقتى .

بصراحة انا فى قمة التعجب والاستغراب يعنى اية بنت محترمة تروح مكان فية الاختلاط بين الجنسين وتتعرض لمشاكل كثيرة جدا قد تكون فى غنى عنها ..
اية الدافع القوى للمجزفة دى ..؟؟
حفله لتامر حسنى
تامر حسنى صاحب اشهر فضيحة لعام 2008
انسان عديم المسئولية
او بمعنى ادق لايحسب من الرجال
واحد متهرب من اداء الخدمة العسكرية .
علاوة على تزوير شهادة تادية الخدمة
يعنى صاحب اكبر بلوتين فى حق البلد
واحد زاى دا المفروض يقفل بابة علية من الخجل او يرتدى طرحة على وجة .
خلاص هو مش عندة دم او احساس
نقوم احنا نجرى وراه بالمشوار ونشجعة
انا بصراحة مش لاقى دافع واحد قوى للمجازفةوانى اتعرض للمهزلةالكبيرة دى
بصراحة موضوع مثير للاشمزاز
وبصراحة اكتر اخر حاجة هاقولها
الاحترااااااااام نعمة

تحياتى اختى الغالية على البوست الهايل والتغطية التى نقلتيها لنا
تحياتى الى شخصك الكريم الف مرة
تحياااااااااااااااااااااااااااااااتى

Appy يقول...

طيب وحد ضربهم على ايدهم
يعنى انا حد يقولى اقلعى هدومك فى الشارع اقلعها
يعنى ده اسمه عبط وقله ادب
هو لو طلب كده يبقى اللى عاوز ينزل نزل بمزاجه مش غصب عنه واللى مش عاوز كان قعد
على فكره انا حضرت حفله فى الاستاد بس هنا فى القاهرة وكان تامر وشيرين وسامح يسرى فيها
وكنا عددنا قليل جدا وقولوا اللى عاوز ينزل للملعب اوك
انا ولا اتحركت من مكان
كانت حفله لاورفليم وكنت معزومه فيها
هو ايه الفرق ما بين فوق وتحت
هو مأجبرش حد على كده
ومحدش شد حد من ايده والغلط مش هو لوحده
يعنى غلط بنات مايصه وامن زباله
واستاد المنصورة اصلا صغير
والموضوع مش همج بتوع المنصورة بشاوات بالبرغم من المناطق الفلاحين
بس ولاد ناس وعندهم تحضر
بس الغلط وقع من ناس كتير يا حبيبتى
مش تامر لوحده
اتقلى بقى شويه فى البوست ده والله يا حروف هتلاقى كميه نفسنه بعيد عن الموضوع ده من الشباب ملهاش حل ههههههههه
على فكره انا مش من عشاق تامر بس انا ببص للموضوع بنظره مختلفه بعقل شويه وبجيب اساس المشكله
تامر بيتعمل له حفلات بعدد شعر راسه محصلش فيها ده يبقى العيب فين بقى

Appy يقول...

حروف اتفرجت على الفيديو كله تانى من مكان تانى
بجد اللى بيتكلم يا اما اهبل يا اهبل
هو ايه المنقبه اللى فى حفله نامر دى يعنى
وبعدين واضح من باقى الصور ان فيه بنات بترقص والحياه عادى
موضوع الصاعق من مياصه البنات اللى جريوا عليه
انما يقوم واحد دكتور فى الجمعه يعمل بلاغ فى مدير اعمال تامر ده اسمه هطل يعنى
طيب ليه مرحش ومسك المايك وامر الشباب انهم يطلعوا مكانهم
ولما تامر قال همشى
كله قاله امشى يعنى كانوا اخر انسجام
وكل ده تمثيل وفشل من ادارته الجامعه
اممممممممم على فكره لما واحد من روزاليوسف هو اللى يتكلم متسمعيش له
الفيديو جايب كام عربيه اسعاف
وده يا قلبى اللى بيحصل عادى فى الحفلات الكبيره
نادى الشمس هنا لما بيعمل حفله بيجيبوا عربيه اسعاف لاى طوارق
ده تحليلى ووجهه نظرى مش اكتر

شخـا بيــط مـحـجـوب يقول...

بجدمهزلة بكل المقاييس بجد قلت ادب

تحياتى ليكى

شخابيط mahgoub

مسلمة مؤمنة وموحدة يقول...

لىّ فقط تصحيح إذا سمحتى
مهازل وليست مهاذل!!
وعفوا ان كنتى تقصدى (التريقة )
فهذا شىء اخر ولكنى ارى انك تتكلمين
(جد)وليس (هزل)فرأيت ان اصحح لكى وللجميع لانى لم ارى أحد بادر بتصحيح الخطأ الكتابى وشكرا

مسلمة مؤمنة وموحدة يقول...

اتفضلى والتانية عامله فيها
مصلحة اجتماعية وكاتبةعربية اسعاف (لاى طوارق) شفتى ياأستاذة ؟؟النادى بيجيب عربيةاسعاف لايه ياستى؟لاى طوارق
واخده بالك اى طوارررررررررررررق

عبد الحميد محمد يقول...

ومن امتى كان فيه حاجة في مصر تنظيميا غير مدانة
للأسف عزيزتي هذا نموذج لواقع عام ليس الا
:(

Nabil يقول...

السلام عليكم...

الموضوع حلو فعلا ومهم...

وانا عايز اقولك الغلط فين الغلط على الشعب كله مش مشكلة المنصوره خالص ولا غيرها

الناس دى ايه؟؟ اول ما يحصل اختلاط ده يحصل ؟؟ ازاى يعنى دى مشكله كبيره

مشكلة تامر مشكله بقى تانيه لان نفس الناس دى هم اللى نجحوه وخلوه يغنى

مش نفسنه على فكره انا استغربت اوى لم لقيت ناس بتقول الناس بتنتقده عشان النفسنه بجد مت من الضحك

غريبه والله خلاص يعنى كلنا بنغير منه وعايزين نغنى؟؟؟!!!

الموضوع غلط مركب من الناس ومن النجم الفنان اللى مصمم تكون حفلته مولعه وعلى فكره مش اول مره بس دى عشان فى الجامعه

بعينى شوفت فى اسكندريه كده لنفس النجم

ده بقى بيعكس ثقافة الطبقه اللى نجحت الاستاذ هم دول شريحه من جمهوره.

وبرده بيعكس مدى ضحالة فكر الناس
فى مصر كلها مش مشكلة منصوره خالص ده بس الحظ

والحفلات الكتييييييير اللى بيعملها النجم ده وامثاله من النجوم الرائعين صدقينى شوفت وسمعت كتير دى مشكلة شباب عموما

اطيب تحياتى وسلامى

ضــى القمــر يقول...

نهر الحب

اهلا بكِ اختى ..
فعلا تامر قال انه كان سيتبرع بأجره كاملا لأدراة الجامعه لمساعده اخوانه الغير مقتدرين ماديا .
والله اعلم يا اختى حقا .
اشكرك على تواجدكِ وتعليقكِ
تحيتى لكِ

ضــى القمــر يقول...

محمود حسن العدل

وعليكم السلام ورحمة الله وبركاته
وبصراحه انا كنت متوقعه أن الكل على علم بما حدث فى هذا الموضوع .

اخى الكريم .
من الممكن ان بنات محترمه عادى تروح الحفله ..لأنها حفله منظمه وتنظيمها السابق كان مطمئن لأى بنت .
اما الدافع .. فهو نفس الدافع اللى بيخليهم يشتروا البوماته دايما .

وأشكرك على تعليقك الوافى يا اخى .
تحيتى لك واحترامى .
وحقا الاحترام نعمه

ضــى القمــر يقول...

Appy

اهلا بكِ اختى الجميله أولا .
ابى انا نزلت تعديل مخصوص تانى علشان كلامك ورأيك .. ووضحت الطريقه كانت المفروض تكون ازاى .
وقولت انى مش بلومه لوحده زى ما الكل توقع لكن كلها عوامل سببت اللى حصل ده .
لدرجه كم المحاضر اللى تم تحريرها .. ودى اعتقد انها مش ضد تامر .. لكن ضد ادارة الجامعه .

اما يا ابى بخصوص النفسنه .. فأعتقد ان الموضوع مش مستاهل نفسنه من اى حد عليه .. والنفسنه أحق بناس تانيه غيره بصراحه .
أشكرك يا قمرة على تواجدكِ الجميل .
وتحيتى لكِ من قلبى .

ضــى القمــر يقول...

Appy

ابى من الممكن جداا حضور منقبه عادى الحفله .. لأن فى كثير بيلبس النقاب ومش بيعمل بأحكامه .

طبعا الرقص وخلافه .. فده اكيد انه يحصل .. مع انى طبعا ضده ..لكن بيحصل فى كل حفلة زى ما نشوف .

ودكتور الجامعه اتقدم فعلا بشكوى ضد مدير اعمال تامر .. وده موضوع مذكور فى كل الصحف .. يعنى مش على لسان الصحفى بس .

وبخصوص عربيات الأسعاف .. فانا عارفه ان الامر ده طبيعى فى كل حفله .. لكن انها تستخدم للأعداد دى فده مش طبيعى فى كل حفله .
اشكركِ على متابعتكِ الوفيه يا اختى .
وبجد بجد نورتينى :)
اجمل تحيه من قلبى لكِ

ضــى القمــر يقول...

شخـا بيــط مـحـجـوب

اخى الكريم .
أشكرك على زيارتك الكريمه
ومعك حق يا اخى فيما خطته يداك .
تحيتى لك واحترامى .

ضــى القمــر يقول...

مسلمة مؤمنة وموحدة

اختى الغاليه . هذه اول زيارة لكِ
واهلا بكِ حقا .
واشكركِ على التصحيح .
ولكن ربما لم يبادر البعض بالتصحيح لأنهم كتبوها فى تعليقاتهم صحيحه كما كتبتيها يا اختى .
واعتذر لأنى لما انتبه لخطأى .
تحيتى لكِ واحترامى لشخصكِ.

ضــى القمــر يقول...

مسلمة مؤمنة وموحدة

اختى .. لكِ كامل الحق فى ان تقدمى الأفادة لنا من خلال تصحيح كلمه كتبت خطأ سهوا مننا فقط .
ولكن اسمحيلى .. لكِ الحق فى التصحيح فقط .
وليس الأستهزاء . فهذا لن اقبله
واعتقد يا اختى ( مسلمه مؤمنه ) أن اسلامنا علمنا تقديم الأفادة ولكن بأسلوب محبب ومقبول .
وأعتذر اعتذار شخصى لأختى الجميله ابى على ما كتبتى لها من كلمات .
وعلى فكرة انا مش استاذه ولا حاجه ..
ومفيش فينا أستاذه لبعض .

ضــى القمــر يقول...

عبد الحميد محمد

حقا يا اخى ..
لا يوجد ما هو منظم تنظيم كامل .
اجمل تحيه لتواجدك الراقى يا اخى .
تحيتى لك

ضــى القمــر يقول...

Nabil

وعليكم السلام يا اخى
أشكرك يا اخى على رأيك الهام فى البوست
واسمحلى اشكرك على حسن تعليقك الذى قال الكثير والكثير .
شكرا لك بحق يا اخى .
تحيتى واحترامى لشخصك ولفكرك

Khaled يقول...

فى الزحام يحدث دائما مالا تحمد عقباة عندما تختلط الأمور و يغيب الحزم

أنا مابحبش الحفلات دى بسبب إللى حصل
ربنا يلطلف بينا