الأربعاء، 3 يونيو 2009

منع عمرو خالد من الظهور على الفضائيات .. وأبعاده !

تمت كتابه هذا البوست بتاريخ قديم جدااا وكنت اتمنى حذفه
لكن احتراما لتعليقات كل من كتب لى رد فى هذا البوست فلم احذفه
رغم ان عهده انتهى واصبح لعمرو خالد الآن بريق مختلف وتاثير اكبر وتواجد يزداد يوما عن يوم

شكرا لكل من خط بقلمه تعليقا هناا
احترامى لكم جميعا



نقلا عن المصرى اليوم : أجبر الأمن الداعية البارز عمرو خالد على الرحيل من مصر، ومنعه من تصوير برامجه داخل البلاد، إثر خلافات ومناوشات بدأت قبل ٦ أشهر بسبب مشروعه " إنسان " لمحاربة الفقر، واصطدامه بمشروع تنمية ألف قرية فقيرة، الذي يرعاه جمال مبارك، أمين لجنة السياسات في الحزب الوطنى. وهو ما أدى إلى إلغاء المشروع في مصر، ثم رفض الأمن برنامج "المجددون" الذي صور عمرو خالد عدة حلقات منه في لبنان الأسبوع الماضي، ويهدف إلى اختيار مجموعة من الدعاة الجدد.
وبلغت الأزمة ذروتها مؤخراً بمنع عرض الجزء الثانى من برنامجه "قصص القرآن" فى بعض الفضائيات المصرية.

وتفاقم الخلاف بسبب نية خالد عرض قصة "سيدنا موسى" فى الجزء الثاني من برنامجه "قصص الأنبياء" الذى يشير فيه إلى تحدي النبى موسى للفرعون، وطرحه موضوع القصة للنقاش حول الفكرة في منتدى موقعه الإلكتروني، الذي جاءت معظم التعليقات في سياق ربط قصة موسى بالواقع المصري حالياً.

وقالت مصادر مطلعة إن خالد رحل إلى لندن صباح أمس الثلاثاء في رحلة طويلة قد تمتد بين عامين وثلاثة أعوام، حيث سيعود بعد عدة أيام بعد ترتيب أوضاعه في لندن لاصطحاب زوجته وأبنائه، على أن يزور مصر على فترات متباعدة ولأيام قليلة، للاطمئنان على والديه، دون أي ظهور إعلامي أو المشاركة في أي أنشطة عامة.

وأضافت المصادر أن الداعية المصري يتكتم أنباء رحيله، مشيرة إلى أنه قام بتجميد مشروعاته في مصر، وحجز مكاناً لابنه في إحدى المدارس فى "لندن".

يذكر أن هذه هي المرة الثانية التي يتعرض فيها خالد للإبعاد من مصر، ويمنع من مزاولة نشاطاته الدعوية والإعلامية.


الخبر ده سمعته امبارح فى برنامج القاهرة اليوم وأستغربته لكن طبعا صدقته لأن ده مش غريب على بلدنا ابدا
لكن السؤال ليه يتمنع ؟؟
ايه اللى عمله ضد الامن القومى ؟؟
ايه اللى فكر فيه ضد بلدنا ؟؟
ليه يتحكم عليه بالبعد عن مصر ؟؟
اه صحيح .. لازم يتحكم عليه بكده لأنه فكر فى مصلحة مصر .. وفكر ينفعنا بحاجه مفيدة .. حاجه تنفعنا فى دنيانا وفى آخرتنا .
يتنفى من بلده لتانى مرة .. علشان بيفكر فى مشاريع تفيدنا .. لأنها طبعا هتعطل مصالح ناس تانيه .
حسبنا الله ونعم الوكيل .. حسبنا الله ونعم الوكيل .
يتمنع برنامج قصص القرآن .. لأنه بيحكى فيه قصه سيدنا موسى !!
ليه .. هو احنا المفروض اننا نخبى قصص أنبيائنا ؟؟
كل يوم بيتخرس صوت كل واحد يقول كلمه حق .. مش كلمه حق ضد حد .. لكن كلمه حق يتحاسب عليها يوم الدين .. من فترة كان حمدى قنديل .. ودلوقتى عمرو خالد .. وقبلهم كثيير .. ولسه هيكون
بعدهم كثيير .
لكن لأمتى .. وليه .. ولمصلحه مين اللى بيحصل ده .. مش عارفين ؟؟
أو عارفين بس بنحاول نكون ساكتين .

هناك 40 تعليقًا:

SHAPE YOUR LIFE (ABOALI) يقول...

معلش يا ضى
كل يوم بينخرس صوت
بكره هايطلع صوت جديد
يكبر ويعلى صوته والاذان هايكون طريق
بكره فيه حى على الفلاح
مهما كان الليل فيه بعده صباح
كل يوم فيه فجر جديد
بلابل و عصافير
اغصان و نافير
بلال هناك موجود
مر قرن وقرون
وصوته فى كل بيت ممدود
الله اكبر الله اكبر
حى على النجاح
حى على الايمان
حى على العمران

كل يوم بيخرس صوت
فيه صوت جديد
يلا قوم قوم يا ابن مسعود
وانت يا حسان ومعاك يعقوب
ومن لندن هايكون نداء القلوب
وانتى يا بلدى
ارفعى علم الطهارة
وانتى شايفة الحال
مش محتاج امارة

ومهما كان فى كلاب بتهوهو
لسه ملايكة فوق
رحمان رحيم موجود
قادر فى ثانية
تكون راياتك لفوق

كل يوم بينخرس صوت
هايطلع صوت وصوت صوت وصوت


تحياتى

الازهرى يقول...

بخصوص ابعاده
فانا سمعت عمرو خالد يحلف انه رايح لندن علشان رسالة الدكتوراه بتاعته
وبخصوص المصرى اليوم فانا لا اثق فى اى من اخبارها اطلاقا لانها اثبتت فى اكثر من مناسبة لانها جريدة اثارة فقط وليس اخبار

اما الاصوات
فصوت الحق يعلو دوما
ولو حاولوا دفنه على عمق اميال
ونحن امة اذا ضاع منها صوت ارتفعت حناجرنا بغيرها تسمع الفضاء

romansy يقول...

هو دا حالنا الشئ الكويس فى حياتنا لازم يبعد عن مجتمعنا الفاسد اللى عايشنه
ربنا معاه ومعانا ويقوينا
اننا نقدر نقاوم الزمن الغريب دا

ديالا يقول...

عمرو بجد اتحارب كتير ورغم ده كله لسه بيحاول وبيحاول ولو صوته سكت في مصر صوته هيعلي اكتر واكتر في بلاد تانيه


وربنا سبحانه وتعالي بيقول (من عادي لي وليا أذنته بالحرب)

يعني اي حد بيعادي ولي لربنا ربنا بيحاربه فبجد بقي الي بيحاربوا عمرو خالد يخدوا بالهم اوي من عقاب ربنا وسخطه

وربنا يجازيه عننا خير

Maha Shahen يقول...

مش عارفه اقولك ايه اصلى مش متاكده من الخبر لأن كتير بسمع اخبار مش مظبوطه ومن وسائل مضمونه مش بقصد عليكى لا يا قلبي اقصد علي الاعلام عامة
واسلم طريقه انك تحكمى عقلك وتريحى لسانك من الكلام وتدعى لربنا
تحياتى ليكى لتوصيل الخبر والتعقيب عليه

Ramy Wasel يقول...

ده بيحصل كتيير فى بلدنا
وان دل على شئ
انما يدل على غباء النظام

بس باذن الله كبوه وحتعدى

وحيرجع مصر
وحترجع مصر كمان زى ما كانت واحسن

mahasen saber يقول...

بتستغربى ليه بس با حروف ياحبيبتى

مهو لو كان نهبله كام قرض

وفطسله كام مصرى فى سفينه ولاا مسرح ولاا قطر كان زمانه قاعد معزز مكرم ومش بعيد ياخد عضوية مجلس شعب كمان..

Unknown يقول...

اولا انا سبتلك رد في موضوع "نهـاية اللعبـة" عشان نتقل حسابك

ثانيا لأمتي : لحد ما الحال يتغير !
ليه : انتي جاوبتيها !
لمصلحة مين : لمصلحة شلة المنتفعين !

و بنحاول نكون خايفين مش ساكتين !

ضــى القمــر يقول...

ABOALI

اخى ابو على
اعتقد ان مفيش كلام ممكن ارد بيه عليك
لأن كلامك كان مهم وكان اكثر من رائع بصراحه.
بس من جوايا بتمنى ان الصوت اللى بنستناه يظهر بقه .
او يطلع صوت جديد .. قبل ما الامل جوانا يموت .

اجمل تحيه لجميل تواجدك

تحيتى لك

ضــى القمــر يقول...

الازهرى

اهلا بك وبزيارتك أولا يا اخى :)

وانا ايضا سمعت جزء من خطاب عمرو خالد على ما قيل .
ومنه اتضح انه فعلا ابعد ولفترة . وعندما سأل عن السبب قال هذا لا تسألونى انا فيه ولكن اسألوا من قرر ذلك .
ومن اسلوبه فى الرد أتضح ان فعلا ابعد .
وبصراحه اتمنى يكون الخبر غلط والله .. لأنى منتظره الجزء الثاتى من قصص القرآن وبرنامج المجددون

شكرا لك ولتعليقك يا اخى
تحيتى لك

ضــى القمــر يقول...

romansy

صدقت فى كلامك يا اخى
فعلا الشخص اللى بيحاول يعمل حاجه .. ويفيد غيره بحاجه بيتبعد .. وليه لأسباب غريبه وغير منطقيه

شكرا لك ولتعليقك الغالى يا اخى
اجمل تحيه لك

ضــى القمــر يقول...

ديالا

اولا : ازيك يا ديالا :)
ثانيا : هو فعلا اتحارب كثير جداا .. ومن الكل .. حكومه .. ودعاة .. واشباه دعاة .
ليه اخطاء .. زى ماليه حسنات كثير .
لكن انساسن بيحاول بجد انه يفيد الناس .. انسان ايجابى بجد .
وتقريبا علشان كده غير مقبول بيننا للأسف
شكرا لك ولتواجدكِ معى يا اختى

ضــى القمــر يقول...

موناليزا

والله معاكِ حق يا مونى

حسبنا الله ونعم الوكيل

ضــى القمــر يقول...

nour shahen

نور اهلا بكِ حبيبتى أولا

وانا والله بتمنى الخبر يكون غلط .. ويظهر تانى وتظهر برامجه .. لكن الخبر سمعته قبل ما اقراه .. وكمان رد عمرو خالد على الخبر سمعته .. ورده كان بيأكد الكلام ده .
لكن خلينا نحلم ان الخبر غلط .. وكذب .

شكرا لكِ يا قمر على تواجدكِ وتعليقكِ المهم

كل الحب من قلبى لكِ

ضــى القمــر يقول...

Ramy Wasel

وخلينا ندعى ونقول يقرب الكبوه تنتهى بسرعه .. ولو انها تقريبا هتدوم معانا شويه .

شكرا لك ولتعليقك يا اخى .
تقبل مودتى وتحيتى لك

ضــى القمــر يقول...

mahasen saber

الله يا حبيبتى معاكِ حق .
ده جزاة الشخص اللى بيحاول يفكر فى غيره مش فى نفسه وبس . ده جزاة اللى بيحاول يساعد الأسر الفقيرة بأفكار جديده
لكن لو كان دمر بيوت واسر كان اتهرب واتبرء وبقه بطل كمان

شكرا لكِ يا قمر على تعليقكِ الروعه كعادتكِ

ضــى القمــر يقول...

المعلم محمد صاحب المطعم - طعمية سخنة

اهلا بيك وبزيارتك :)

اولا : انا لسه مش شوفت التعليق .. حالا بروح أشوفه :)

ثانيا : يبقى الحال هيفضل كده إلى ما لا نهاية :(

فعلا يا اخى .. احنا مش بنحاول نكون خايفين .. إحنا فعلا مرعوبين

شكرا لك ولزيارتك الغاليه
وتعليقك الرائع :)

تحيتى لك

سحر المغنى يقول...

السلام عليكم
كيفك اختي الغالية
آسف لتقصيري في المرور على مواضيعك و اثاراتك الممتازة
الحقيقة الخبر موجود فعلا لكن الابعاد و الاسباب لازالت خافية
و كما تعلمين
يا خبر اليوم بفلوس بكره يبقى ببلاش على قولتكم
اعتذر لتأخري في متابعتك و مدونتك دائماتشدني اليها و اشتاق لها

KHALED يقول...

عمرو خالد فى نظر الأمن القومى بيحرض الناس على إنهم يحلموا بحياة أفضل و يحاربوا السلبية و يدوروا على حقوقهم المنهوبة و قصة سيدنا موسى فيها دلالة على محاربة الظالم و إستبعادة و دة طبعا ضد سياية الاستعباد للعباد و حكمهم بالنار و الحديد ووزارة الداخلية و جعلهم فى حالة من الفقر و العوز حتى لا يتسنى لأحد ان يقول لماذا

هى دى النقطة . !!!!!

blue-wave يقول...

انتى عايزاة يخش ضد الشبل الصغير؟؟؟؟؟
دا كلام برضه؟؟؟؟؟؟؟؟؟؟

حياه بلا عنوان يقول...

السلام عليكم ورحمه الله وبركاته
اولا انا بشكر سعيده جدا فى البوست ده قوى انا من محبى عمرو خالد جدا كفايه انو بيوصل كل حاجه بسهوله وبفهم جميل جدا كفايه البرامج النجحه ليه هو انسان بجد رائع مش معنى انو منعو يبقا الكل هيسكوت المفروض الكل يتكلم عنه وعن اللى عملو علشان المسلمين تفهم المعلومه بسهوله وبجد هو انسان فعلا كويس جدا وطيب هو بيحاول يوصل للبيوت كلهاوالاطفال والكبار كفايه ان فى ناس كتير بتحبه وان شاءالله هيرج تانى ويكمل كل حاجه ربنا يعينو ويقدرو على اللى هو فيه وربنا يوفقو تحياتى

أحــوال الهـوي يقول...

عسي ان تكرهوا شئ و هو خير لكم
تعرفي ان نشاط عمرو خالد ابان الاستبعاد الاول كان اكثر انتاجا و انتشارا

تخياتي

مدونة حكومتى ملاك يقول...

السلام عليكم

مصر أصبحت طاردة للعلماء
وطاردة للدعاة
وطاردة للمصلحين
وفى نفس مستقيلة ومرحبة بالراقصات والفنانات

وعلى الرغم ان عمرو خالد نفى طرده
فى حواره مع جريدة الدستور
الا انى لا أشك انه تعرض للضغوط
اللى ادت لرحيله

وليد يقول...

السلام عليكم
كيفك يا اخت ضي
طالت غيبتك و في انتظار جديك سررت بقراءة كتاباتك السابقة
قوة شديدة في ابراز وجهة نظرك و عزيمة لا تلين
يعطيكي العافية و اتمنى اني اقرأ جديدك قريبا

واحد من الناس يقول...

و الله ياجماعة عمرو خالد اسلوبه سلس و كويس بس له اخطاء كتير تفضل السادة العلماء الاجلاء بتبيينها و الرجاء الاستماع الى اكثر من عالم جليل للتاكد من المعلومة لا تخلوا مصدر معلوماتكم مصدرها واحد

غير معرف يقول...

الاخ عمرو خالد ينصح باسلوب سلس وحلو لكن ديروا بالكم يا جماعة عندو مجموعة اخطاء بين اكثر من عالم من علماء الدين الرجاء عد الاستماع لناصح واحد و الاستماع لاكثر من عالم حتى نكون على بينة من المعلومة التى تقدم

mahasen saber يقول...

كل شهر فضيل ومبارك وانتى بكل خير يا حروف

رمضان كريم عليكى يا حبيبتى وعلى كل من تحبين

~ISLAM~ يقول...

بقالى ييجى سنه ومدخلتش مدونات حد
لسه مبدعه زى مانتى
انا جاى اقول
كل سنه وانتى طيبه
وعيد سعيد عليكى وعلى كل الناس

mahasen saber يقول...

غيبتى كتير قوى يا ضى يا حبيبتى لعل السبب خير ان شاء الله

ابقى طمنينا عليكى
يا رب دايما فى افضل واحسن حال

IBN BAHYA - إبــن بهيـــــــــــــة يقول...

كل عام وأنت بخير .. والجميع طيبين وسعداء .. محررين ..
أرق تحياتي

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

هاني النجار يقول...

اهو عمرو خالد رجع، ومصر كلها رجعت. وعقبالك انت كمان ترجعي يا ضي.
اتمنى انك تكوني بخير وفي احسن حال.

غير معرف يقول...

ثقافة الهزيمة .. عصابة البقرة الضاحكة 4

قال المهندس عبدالحكيم عبدالناصر عقب جولته بقرى الأصلاح الزراعى فى إيتاى البارود : «للأسف الذين قاموا بالثورة لم يحكموا، والثورة لازم تكمل حتى لا يورث الأغنياء الغنى، والفقراء الفقر».

وأوضح أن عائدات قناة السويس منذ تأميمها بلغت نحو 73 مليار دولار، منها مليار واحد فى عهد عبدالناصر أقام به مشروع السد العالى، وكان يجب بناء 10 مشروعات مثله على الأقل، وقال: «لكن كلنا عارفين الفلوس راحت فين، وعارفين أننا بلد غنى يراد له الفقر». ..

باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى www.ouregypt.us

Unknown يقول...


thx

مؤسسه تنظيف

Unknown يقول...



thx

شركه تنظيف

Unknown يقول...


thank you

سعودي اوتو

دورات تدريبية يقول...

يسلمووووووووووووووووو

مستشار اسري يقول...

يسلمووووووووووووووووووووووووووووووو

تدريب مدربين يقول...

يعطيكم الف عافية

التميز المثالي للخدمات المنزلية يقول...


شركة امست للتنظيف
شركة امست للتنظيف بالدمام
شركة امست لمكافحةالحشرات بالدمام
شركة امست للتنظيف بالخبر
شركة امست لمكافحة الحشرات بالخبر
شركة امست للتنظيف بالقطيف
شركة امست لمكافحة الحشرات بالقطيف
شركة امست للتنظيف ومكافحة الحشرات ببقيق
شركة امست للتنظيف ومكافحة الحشرات بالجبيل