الاثنين، 3 مارس 2008

ياااااه عليكـى يـا بلـدى ...


يااااه على جمالك يا بلدى .. جميلة فى كل حاجه .. شعب وحكومه .. حريه وديمقراطيه .. رأى ورأى آخر ..ناس قلوبها على قلوب بعضها .. مفيش لا سرقه ولا نهب و لا بلطجه .. كل حاجه قدامنا تفرح النفس .. ناس ماشيه بوشوش مبتسمه .. لا فى هم ولا غم ولا حمل أكبر من الاحتمال ... ناس عيونها أترفعت عن الأرض علشان يشوفوا حلم جديد يحلموه .. غير حلمهم أنهم يباتوا متعشيين .. شوفت ناس بيقولوا لأ .. شوفت مظاهرات قامت لما أنسان أعتقل ظلم أو أنسان أتقتل ظلم او ضحيه راحت واتقفلت القضيه بأن الفاعل مجهول .. شوفت الرحمه فى عيون شعبك .. شوفت ناس لسه قادرة تحلم وقادره تعلن حلمها ....
ياااه يا بلدى .. بعد كل اللى شوفته ده لازم اقول أنك جميله .. ولازم أفتخر انى منك و ... و فجأة فتحت عينى .. بصيت حواليا لقيت نفسى كنت بحلم .. حلم أيوة كان حلم ... وأفتكرت الواقع .. وأرضى وبلدى وأهلى .. قولت ياريتنى ما صحيت ... كان فضلى الحلم أحسن .. على الأقل شوفت بلدى زى ما أتمنيت ... شوفت ناس قادرة تضحك وتحلم وترفض أوحتى تقبل بأقتناع . ناس قادرة تحب وتدى وترحم وتسامح ... كنت حاسه بفخر ان الجمال ده فى بلدى أنا .. لكن دلوقتى أرجع لحلمى ازاى ..طيب بلاش أرجع .. أنسى اللى حلمته ازاى . اقبل بالواقع تانى ازاى ...
ياااااه عليكى يا بلدى .. أمتى هيكون حلمى معاكى واقع .. أمتى هترجع بسمتك لينا .. امتى هنلاقى معاكى وفيكى أحلامنا ..
ملاحظه : تم تعديل آخر سطر .. بعد ان اتقنت أن غضبى من مواقف عدة أثار كلماتى اكثر مما ينبغى .. واعتذر عن احاسيس جانيه سابقه ..

هناك 7 تعليقات:

بيدو يقول...

حلوه بس السطر الأخير قاسي شويه. اصل الذنب مش ذنب البلد. ذنب الحكام وممكن يكون مشارك فيه الشعب لكن الأرض مالهاش ذنب. (وبعدين كتر البؤس فس كتاباتك هايخلي الناس تتقفل منك)

ضى القمر يقول...

:)
والله يا اخى كل وقت وليه آدان .. أحيانا هكتب بؤس واحيانا هكتب بفرحه .. بس الأيام دى اللى بسمعه وبشوفه يخلينى لازم اكتب كده ...
وبعدين انا مش بلوم ارض ولا تراب .. ولا بحتقر بلدى .. لكن من كثر حبها بصرخ .. لما الاقى كل المعانى اللى فيها بدأت تموت .. حتى أهلها .. يبقى لازم احزن .. ولازم يكون فى قسوة فى كلامى ..
..

اخى الحبيب .. لا تحرمنى من تعليقاتك .

الطائر الحزين يقول...

وان جارت على عزيزة


تحياتى

ضى القمر يقول...

الطائر الحزين ..

صدقت بردك .. ولكن عتابى وكلامى ليس تجنى عليها ربما غضبى زاد قليلا . وهذا ما اعتذرت عنه هنا ... ولكن هذا خرج من كثرة ما اره يوميا من ظلم ..

اشكرك على تشريفك لمدونتى ورأيك الكريم .

المُهاجر يقول...

" حلوه بس السطر الأخير قاسي شويه. اصل الذنب مش ذنب البلد. ذنب الحكام وممكن يكون مشارك فيه الشعب لكن الأرض مالهاش ذنب. (وبعدين كتر البؤس فس كتاباتك هايخلي الناس تتقفل منك)"


كلام غير صحيح بالمرة ..
فما فائدة القلم إن لم يواجه وضعاً مقلوباً أو يفصح عما تعانيه النفس ؟؟
إنها الواقعية والصدق مع النفس، وإلا نتحول إلى أراجوزات ..
حتى الأراجوز يقول رأيه أحيناً

ونصيحة من أخ أكبر .. هناك منطقى وسطى تسمى الأدب الساخر وإن كانت صعبة إلى حد ما لكننا فقط نحاول الوصول إليها

مع خالص تحياتي

ضى القمر يقول...

المهاجر ..

صدقت بردك ورأيك يا اخى .. فحقا ما فائدة القلم إن لم يواجه وضعاً مقلوباً أو يفصح عما تعانيه النفس ؟؟
إنها الواقعية والصدق مع النفس، وإلا نتحول إلى أراجوزات ..
حتى الأراجوز يقول رأيه أحيناً ..

ولكن اول تعليق كان من اخى .. وكان بمثابة النصيحه أكثر .. حتى يجعلنى اخرج من ثوب الشجن .. واتحداه .. واعرض كتابات بطرق آخرى ..

ولكن كما قلت لكل وقت آدان .. ربما
أرسم البسمة بكتابات آخرى ..

أشكرك كثييرا على تواجدك هنا وعلى رأيك الكريم .. وعلى نصيحتك الغاليه .. التى ربما احاول الوصول لها يوما ما ..

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘