الثلاثاء، 26 أغسطس 2008

أخيـــرا .. واجــب تدويــنى


من أول يوم بدأت فيه رحلتى فى عالم التدوين .. وانا بدأت اغوص اكثر واكثر فى بحار المدونات ..عرفت حاجه اسمها تاج ..وطبعا التاج ده عبارة عن اسئله بتتوجه من شخص لشخص ومن مدونه لمدونه .. وكنت بشوف دايما تيجان بتتوزع يمين وشمال .. أحيانا كنت أحاول الأنحراف يمين أكثر أو شمال أقل يمكن ألاقى تاج يصيبنى .. لكن وقتها ماكنش حد يعرفنى علشان يهدينى تاج ..
وطبعا كنت مفتقده الأحساس ده جداا .. فجمال الأحساس مش بس فى اننا بنجاوب على اسئله محدده لكن جماله الحقيقى فى اننا نحس أن حد فاكرنا وفاكر أسمائنا ومدوناتنا ..
وطبعا لأن محدش كان فاكرنى موصلنيش ولا تاج .. أحتمال لأنى كنت جديده ومقصرة فى زيارة معظم المدونات .. فبالتالى قليل جدا اللى عرفونى .. يعنى بأختصار انا اللى كنت السبب فى انى ضعيت على نفسى تيجان كثيير جدااا .. وكمان ضعيت على نفسى وقتها متعة القراءة لأروع المدوانات اللى بتاعبها دلوقتى وبأستمرار .. :)
طيب أنا كتبت الكلام ده كله ليه ؟؟؟ أكيد أذا عرف السبب بطل العجب .. مش كده ولا ايه ؟؟:)
إمبارح وصلنى واجب تدوينى من أخ كريم .. طبعا فرحت بيه جدااا .. لأنى قولتلكم على نظرتى للفكرة نفسها .. وهى انى احس ان حد فاكر مدونتى أساسا ..
ودلوقتى أبدأ فى حل الواجب .. يااااه .. من زمان جدااا مقولتش الكلمه دى .. حتى ايام الدراسه .. لأنى طبعا كنت بهرب من الواجب بأى حجه والسلام .. لكن دلوقتى نفسى ارجع للأيام دى تانى بجد .. حسيت متأخر أوى قد ايه كانت جميله وممتعه بكل معنى للكلمه .
المهم الواجب .. كفايه كلام كثيير .. واركز .. الأمتحانات على الأبواب خلاص .. :)


الواجـب وصلنى من الأخ حكاوينـا صاحـب مدونــة
7akwena

السؤال بيقول : اذكر 6 أسرار قد لا يكتشفها من يقابلك أول مرة ؟

طبعا السؤال مش سهل .. لأنى صعب انى اشوف نفسى من زاوية شخص غريب .. لكن هحاول معاكم واجرب .. وأقول أن الشخص الغريب عنى مش هيكتشف فيا أنى ...

1/ بفكر فى كل كلمة كويس جداا قبل ما اقولها ..
2/ بحب اتناقش جداا .. لكن احيانا بتوقف عن النقاش ده لما يكون اللى قدامى شخص مش بيقبل النقاش اصلا .. فبسلم لكن لأنهاء الحوار لا اكثر .
3/ بحب الشعر جدااا .. بالرغم من عدم معرفتى بقواعد كتابته .
4/ بقدر اتحكم فى أحساسى احيانا .. مادمت مع ناس مش محتاجين منى غير الضحكه وبس ..
5/ بعشق القراءة والكمبيوتر .
6/ بحب عالم الأنترنت بشكل غريب جدااا .


قوانين الواجب:
1. اذكر اسم من طلب منك حل هذا الواجب
2. اذكر القوانين المتعلقة بهذا الواجب
3. تحدث عن ستة أسرار قد لا يكتشفها من يقابلك للمرة الأولى
4. حول هذا الواجب إلى ستة مدونين ، وأذكر أسماءهم مع روابط مدوناتهم في موضوعك
5.اترك تعليقا في مدونة من حولت الواجب عليهم ، ليعلموا عن هذا الواجب

المفروض دلوقتى انى اختار سته من المدونين علشان اوجه ليهم الواجب ده .. ولو انى عايزة اوجهه للكل .. لكن هختار 6 بس .. وبطلب من كل اللى يدخل أنه يخاد الواجب ده عنده ويرد عليه .. ويبلغنى فى التعليق بأنه نفذ الواجب .. وانا هدخل على مدونته واصحح عليه :)

بهدى الواجب لــــ

1/ الأخ الكـريـم وأستــاذى الفــاضـل ...

الـمُـهــاجـــــر

2/ الأخـت الجميـله والأغـلى من غاليـه ...

Sourah

3/ الأخـت الرقيـقـه والكاتبـة المتمـيزة ...

مونـــاليــــزا

4/ الأخ القـديـر كاتـب الربـاعبات الرائـعه ...

mostafarayan

5/ الأخ الطــائـر فى السمــاء الصافيـــه ...

الهـــدهد الطـــائــر

6/ للأخ صاحب المدونــة المتميـزة جـداا ..

بطـــــوط حــبـوب

خلاص خلصت الاختيارات .. أعتذر لكل اللى مكتبتش أسمائهم هنااا .. لكن الواجب متاح للجميع .. لكل واحد وحشه نظام الواجبات :)

وأخيرا ..

أسيبكم بقه واروح اسيب تعليق على المدونات اللى كتبتها عشان أعرفهم بموضوع الواجب ده ..

يلا سلام يا اجمل أخوان .

هناك 15 تعليقًا:

Sourah يقول...

غاليتي ضي القمر :

هييييييييييه ..!! بحجز اول تعليق :))

يا ستي انا ماتحرمش ابدا على التاج ده ، اول مرة حد يبعتلي تاج :)))

بس يا جماعة الاخوة القراء ، ياللي بتدخلوا مدونة حروفي ، ياللي بتعرفوا ضي من خلال حروفها و افكارها ، انا من هذا المزنأ - واللي فعلا اتزنقت فيه - احب اقول تاخد 10 / 10 في الاجابة ، لانني اعرفها شخصيا، بس هيه للاسف نسيت تقول ، ان قلبها كبير ، و عاطفية جدا ، و اللي هيقعد معاها مرة ، هيرجعلها تاني على بشوق و شغف للكلام معاها ..

ده بجد كلام من القلب ..

و اخر الكلام سلاااام ..!!!

موناليزا يقول...

اشكرك جدا لتمرير الواجب لى ولوصفى
بجد اخجلتم تواضعنا وربنا يعزك ويكرمك
وعلى فكرة احنا ذى بعض فى 1,2,5
كده لسة تلاتة سماح بقى
وكل سنة وانتى طيبة وبخير وسعادة

ضى القمر يقول...

صورتى الجميله ..

والله اخجلتينى بروووعة ردك .. واحترت ارد عليكى اقولك ايه :)

وحسيت ان الكلام ده كثيير عليا اوى يا روحى

الله لا يحرمنى منك ابداا يا حبيبتى ..

ويلا فى انتظار ردك .. لازم ابدس الكل معايا فيه ..

متتأخريش فى الرد يا روحى :)

ضى القمر يقول...

مونى

اولا : لا شكر على واجب .. والوصف اللى وصفته بيكِ هو اقل ما تستحقى بجد .

وكويس أن الصفات اللى ذكرته وفرت عليكى ثلاث نقط .. لكن الثلاث نقط الباقيين مش هسامح فيهم .. لازم تذكريهم .. ولو حتى فى التعليق ..

منتظراكِ يا قمرى :)

كل سنه وانتى بكل خير وعافيه

الهدهد الطائر يقول...

على الرغم اني شخصية غير تاجية إلا اني هأجاوب المرة دية بس علشان خاطر رمضان و الايام المفترجة :)

ستة أسرار قد لا يكتشفها من يقابلك للمرة الأولى:
1- ان عندي مدونة
2- في ايه في جيبي
3- في بعض الأحيان اني مش فاكر أسمه
4- لا اقترب من أي طعام رائحته مش و لا بد
5- لا أريده ان يدخن
6- لا أتواجد في الأماكن المشبوهة و الشبه مشيوهة.

.. أحول الواجب إلى كل من قرأ هذا التعليق

و السلام..ختام

mostafa rayan يقول...

ازيك يا قمر
بصي يا جميلة انا بشكرك على اهدائك التاج لي لكن انا في الحقيقة جاوبته مرتين من ادم ومن تايه في وسط البلد
لكن انا هقولك الأجابة اللي قولتها
اني في الحقية خجول شوية عكس كتاباتي اللي البعض بيشوفها جريئة حبتين
(انا بشوفها عادية جدا على فكرة)
مرة تانية اشكرك على تذكري وان شاء الله تتعوض في تاجات تانية
كل سنة وانتي طيبة

ضى القمر يقول...

أخى الهدهد الطائر

أشكرك على اجابتك بالرغم من ابتعادك عن التاجات .. والحمد لله ان رمضان على الأبواب علشان انال تكرمك واجابتك .. :)

وشكرا جزيلا على اجابتك المفصله..:)

واتمنى ان يأخذه الآخرين حقا .. لكن واضح إن التاج ما ترك مدونه إلا وزارها

تحيتى لك على الزيارة والرد يا اخى ..

تقديرى لك

ضى القمر يقول...

أخى مصطفى ..

اولا بعتذر انى ازعجتك بالسؤال ده للمرة الثالثه .. لكن بجد معرفش انك جاوبت عليه قبل كده ..

وثانيابشكرك على اجابتك .. ولو انى مشوفتش فى مدونتك جرأة زياده .. لكن لقيت أن اللى عايز تقوله بتقوله .. واعتقد أن هو ده الهدف من المدونات بشكل عام .. أننا نقول اللى عايزينه بدون قيود .

وأخيرا .. أشكرك على ردك يا اخى .
كل عام وانت بخير يا اخى

غير معرف يقول...

ضى القمر

يااااااااااااه ياريت الناس كلها تفكر فى الواجب من الناحية اللى فكرتى منها اكيد ليها اثرها الطيب فى العلاقات الاجتماعية

بالنسبة لأجاباتك عل الواجب

فهى جميلة جدااا وعاقلة وطبيعية

تحياتى لك

انتظرنى منى واجب أو تاج من تأليفى

كيارا يقول...

اجاباتك روعه احييكي عليها

وجميل ان اول زياره ليا تكون في واجب زي ده


كل سنه وانتي طيبه

تحياتي

كيارا

ضى القمر يقول...

اخى المحارب

أشكرك على زيارتك الكريمه للمدونه :)
واشكرك ثانية على حسن كلماتك وردك الرائع هنا.
وانا فى انتظار تاجك بفارغ الصبر ..
فكما وضحت .. انا بحب التاجات جداااا .

أجمل تحيه لك يا اخى
وكل عام وانت بخير :)

ضى القمر يقول...

كيارا ..

شكرا ليكى جدااا على انك عملتى مدونه بأسمى هديه ليا :) ...هههههههه
طبعا بهرج مش اكثر :)

مدونتك بجد جميله جداا
وواضح أن هكون زائرة مستديمه عندك ..

شكرا ليكى غاليتى على حضورك وردكِ الجميل

كل سنه وانتِ بكل صحه وعافيه دوما

7akwena يقول...

المفروض اكون متوجد من بدرى
مش ارمى الواجب ليكى كده وامشى
...
بس انتى اجابتك جميله جدا بتعكس شخصيتك الطيبه
....
ويا ستى لو عاوزه واجب تانى
ممكن ندعبس فى المدونات ونجبلك
...
تحياتى ليكى

ضى القمر يقول...

حكاوينا ..

مفيش مشكله يا سيدى .. المهم اهلا بحضورك تانى :)

شكرا ليك على التصحيح اللى فى مصلحتى ده .. شكلى اخذت 10/10 :)

خلاص انت دور براحتك وانا منتظراك :)

تحيتى لك .. وكل سنه وانت بصحه وبخير

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘