الخميس، 11 سبتمبر 2008

معنـا بنبضـكَ دومـا يــا مطــر


ذهب تفكيرى اليوم لشاعرا سياسيا لم أجد له مثيلا
فلا يوجد بيننا سوى أحمـد مطــر واحد
تذكرت الأحرف الأولى التى سمعتها من قصائده على لسان أخى ومعلمى ومثالى الأعلى دائما
تذكرت انبهارى بكلماته ومعانيه بالرغم من صغر سنى وقتها
وبالرغم من عدم أحساسى بمعنى كلمة سياسه ووطن حقا
ولكن ما زاد عشقى لأحرفه ومعانيه .. هى طريقه الإلقاء التى كنت أسمع بها أحرفه دائما
ويوما بعد يوم .. بدأت أغوص بمعانيه وحدى
وبدأت أكتشف قمة روعته وتميزه عن ابناء جيله فى اشعاره السياسيه
واليوم لا اعرف لما أخذنى الحنين لقراءة بعض أشعاره
ووجدنى أتوقف أمام قصيدتين .. أحسست أنهما كُتِبوا عن ايامنا هذه
أحسست أن أحمد مطر قاما بكتابتهما هذا الأسبوع فقط
ليشاركنا قضايانا . ومحننا بصدق
والآن أترككم ما قصائده الغنيه بالمعاني الصراخه صدقا وتعبيرا

القصيـده الأولى
قســــوة
حَجَـرٌ يهمِسُ في سَمْعِ حَجَـرْ :
أنتَ قاسٍ يا أخـي ..
لمْ تبتَسِـم عن عُشبـةٍ، يوماً،
ولا رقّـتْ حَناياكَ
لأشـواقِ المَطَـرْ
ضِحكـةُ الشمسِ
على وجهِكَ مـرّتْ
وعويلُ الرّيحِ
في سَمعِكَ مَـرْ
دونَ أن يبقـى لشيءٍ منهُما
فيكَ أَثـَرْ .
لا أساريرُكَ بَـشّتْ للمسـرّاتِ،
ولا قلبُكَ للحُزنِ انفَطَـرْ .
أنتَ ماذا ؟!
كُـنْ طَـريَّ القَلـبِ،
كُـنْ سمْحَـاً، رقيقـاً ..
مثلَما أيِّ حَجَـرْ .
لا تكُنْ مِثـلَ سلاطيـنِ البَشَـرْ !

** ** ** ** ** ** ** ** ** ** **
القصيــده الثانيـة
مفقــــودات

زارَ الرّئيسُ المؤتَمَـنْ
بعضَ ولاياتِ الوَطـنْ
وحينَ زارَ حَيَّنا قالَ لنا
هاتوا شكاواكـم بصِـدقٍ في العَلَـنْ
ولا تَخافـوا أَحَـداً
فقَـدْ مضى ذاكَ الزّمَـنْ
فقالَ صاحِـبي ( حَسَـنْ )
يا سيّـدي أينَ الرّغيفُ والَلّبَـنْ ؟
وأينَ تأمينُ السّكَـنْ ؟
وأيـنَ توفيرُ المِهَـنْ ؟
وأينَ مَـن
ْيُوفّـرُ الدّواءَ للفقيرِ دونمـا ثَمَـنْ ؟
يا سـيّدي
لـمْ نَـرَ مِن ذلكَ شيئاً أبداً
قالَ الرئيسُ في حَـزَنْ
أحْـرَقَ ربّـي جَسَـدي أَكُـلُّ هذا حاصِـلٌ في بَلَـدي ؟!
شُكراً على صِـدْقِكَ في تنبيهِنا يا وَلَـدي
سـوفَ ترى الخيرَ غَـداً
**
وَبَعـْـدَ عـامٍ زارَنـا
ومَـرّةً ثانيَـةً قالَ لنا
هاتـوا شكاواكُـمْ بِصـدْقٍ في العَلَـنْ
ولا تَخافـوا أحَـداً
فقـد مَضى ذاكَ الزّمَـنْ
لم يَشتكِ النّاسُ !
فقُمتُ مُعْلِنـاً :
أينَ الرّغيفُ واللّبَـنْ ؟
وأينَ تأمينُ السّكَـنْ ؟
وأينَ توفيـرُ المِهَـنْ ؟
وأينَ مَـنْ يوفِّـر الدّواءَ للفقيرِ دونمَا ثمَنْ ؟
مَعْـذِرَةً يا سيّـدي
.. وَأيـنَ صاحـبي ( حَسَـنْ ) ؟!
**
وهنا أقول وَأيـنَ صاحـبي ( عبد الرحمن فارس ) ؟!

أسألكم بالله أخوانى ..
ألم يتكلم أحمد مطر هنا عن حالنا الآن بمنتهى الصدق ؟؟

هناك 74 تعليقًا:

Sourah يقول...

هههههييييييييييهههه

بحجز اول تعليق ، هروح اقرا بأه براحتي و ارجعلك :))

FreeKiller يقول...

هيييييييييه تاني تعليق
ده لو لحقت طبعا

أحمد مطر و محمود درويش ليهم مكانة خاصة عندي بجد

أحمد مطر يمكن متميز حبتين بقصر القصائد و تركيزها

طبعا محدش ينكر بلاغة قصيدة قلم بتاعته
اللي بتقول ف مطلعها

جس الطبيب خافقي و قال أهاهنا الألم؟؟؟
قلت له نعم
فشق بالمشرط جيب معطفي و أخرج القلم

بجد كلامه أكثر من رائع

اللي يزعل الواحد
إنك عشان تلاقي دواوين الناس دي انت لازم تتبهدل
أنا لفيت معرض الكتاب اللي فات ركن ركن
بجد ركن ركن و مش ببالغ
عشان الاقيله الاعمال الكاملة هو و درويش
و الحمد لله ما طلعتش صفر اليدين
لاقيت لاحمد مطر

بجد بجد اختيار موفق للقصايد يا ضي
خصوصا القصيدة التانية
قمة البلاغة

طولت عليكي
بس ده لاني من عشاق اسلوب مطر بجد

دمتِ بخير يا قمر

الحكمة ضالة المؤمن يقول...

اول مرة ادخل المدونة
على طول جا على بالي
اختبار الثانوية العامة
الاوراق المسطرة الي كانك تكتب من داخل سياج سجن
رجعت حوالي 20 سنه ورى
وقلت اه من داخل قلبي بس الاه الحلوه
حتى ان القصيدة الثانية
سمعتها على ما اعتقد من مدرس في الثانوية
ان لم تخني الذاكرة
مَعْـذِرَةً يا سيّـدي.. وَأيـنَ صاحـبي ( حَسَـنْ ) ؟!
واين واين واين
تحياتي
بالتاكيد ستكون هناك زيارات اخرى

SHAPE YOUR LIFE (ABOALI) يقول...

بصى يا ضى القمر

درويش ومطر
نبض لهذا الوطن
افتراشا ترابه
وايقنيا قيمة الوطن
نسجا من الحروف
كلمات فأبيات
كانت تصف علامات
وقل ايضا محن
ميراثهما انظر اليه
ليس دنانير ودولارات
واغانى ومهاترات
وكلام غانيات
عذرا يا مطر وانت يا درويش
فلم تغير اشعاركما حال الوطن
الحجر اشتد قسوة
والملك حرس كرسيه
وبحث فى الكمياء
فوجد مادة التيفال
فمنعها من دخول ابواب
ومطارات الوطن
ان كانت دموع كلماتى حاليا
تتساقط من جسدى
تصف مصائب ومحن
الا انى وجدت اناس
لا يزالوا يرفعون
رايات الوطن
ضياء كلماتهم
نورا
لمن اراد ان يبنى
هذاالوطن
يا درويش يا مطر
انتم انا وانا انتم
وكثيرون لا يزالون
يسطرون
ليستمر
حماة الوطن
ولسوف يأتى يوما ضاحكا
فرحا مبتسما
ناشدا
لقد شاركت فى بناء هذا الوطن

شكرا يا ضى القمر على نبضات احاسسيك بمن صعنوا تاريخ الوطن الحقيقى مش المزيف
تحياتى

لؤلؤة الاسلام يقول...

ما شاء الله مدونة جميلة اختى
احيكى عليها

و البوست رااااائع

و تحياااتى
رمضان كريم

Sourah يقول...

حلوين اوي يا ضي ..

معلش اتأخرت في التعليق التاني على بال ما قريت براحتي بأه :))

بجد اختيار موفق جدا، و كلام في الصميم فعلا ..

و حسبنا الله و نعم الوكيل ..

Zanooba (Zeinab sab9n) يقول...

أول مرة أدخل المدونة و بجد تحفة ماشاء الله ..و إنشاء الله أتابعك دايماً ...و بجد شعر أحمد مطر روعة فعلاً ...و كأنه كاتبه إمبارح ...و أنا بضم صوتي لصوتك ...و لصوت كل الناس ..و نقول للرئيس المؤتمن ...أين كل حسن ؟ تقبلي مروري و ياريت تنوريني في مدونتي إنشاء الله


رمضان كريم
زينب

Dr ayman يقول...

بحييك على الموضوع الجميل وطبعا الشاعر احمد مطر عرف ينقل فعلا اللى كلنا بنعيشه و اللى بيحصل لنا فى كلمات بسيطه
تحياتى ليك ومزيد من مواضيعك الجميله والمعبره

كـــيــــــــارا يقول...

بجد موضوع رائع ياضي

تسلمي ياعسل

كلام حسام يقول...

حقيقي
اين حسن

غير معرف يقول...

الله كلامك بجد جميل اوى و الأبيات اللى جبتيها رااااائعة

أقولك كلمة فى سرك بس أوعى تقوليها لحد من اللى هنا (أنا أول مرة أسمع عن أحمد مطر :) )بس خلاص أنا كدة حروح اعرف حكايته أنتى شوقتينى ليه

يللا يا حبيبتى خليكى انتى تكتبى كل بوست أحلى من الى قبله و احنا منعرفش نعمل إيه؛)

ضــى القمــر يقول...

صورتى ..

هههههههههه

بجد جنانك يجنن :)

وبعدين انتى عارفه سواء كنتى اول تعليق أو الآخير .. انتى عارفه صورة عندى ايه والله :)

شكرا لكِ على التعليق الأول ..هههههه

ضــى القمــر يقول...

فرى كيلر .

حبيبتى كفايه أسمك ينور التعليقات .. ومش مهم رقم تعليقك .. :)

ومعاكِ حق طبعا فى اللى قولتيه وخاصه اختياركِ لقصيدة( القلم ) و يقول بها :

جسَّ الطبيبُ خافقـي

وقـالَ لي :

هلْ ها هُنـا الألَـمْ ؟

قُلتُ له: نعَـمْ

فَشـقَّ بالمِشـرَطِ جيبَ معطَفـي

وأخـرَجَ القَلَــمْ!

**

هَـزَّ الطّبيبُ رأسَـهُ .. ومالَ وابتَسـمْ

وَقالَ لـي :

ليسَ سـوى قَلَـمْ

فقُلتُ : لا يا سَيّـدي

هـذا يَـدٌ .. وَفَـمْ

رَصـاصــةٌ .. وَدَمْ

وَتُهمـةٌ سـافِرةٌ .. تَمشي بِلا قَـدَمْ !

وبخصوص دوواين هاللى مش موجودة .. فهى فعلا اتمنعت لفترة فى مصر .

لكن لو حاولتى تنزليه من على النت هتلاقيه .. أنا نزلت عندى 3 دوايين .
لفتات 1و2و3 .. وباقى 4و5و6 .
لكن موجودين فى بعض المواقع لو بحثتى بأسم ( لفتات 6 أو لفتات أحمد مطر مثلا ) .. هتلاقى كثييير إن شاء الله .

اختى الغاليه
أجمل تحيه لروعة تواجدكِ دائما.. دايما بتسعدينى بتعلقيك بجد .
الله لا يحرمنى منك يا قمر :)

ضــى القمــر يقول...

الحكمة ضالة المؤمن

أولا : اهلا بيك وبزيارتك الأولى هنا :)

ثانيا : والله انا كمان برجع للذكريات دى لما بدخل المدونه وبشوف التسطيرة دى . وهو كويس أدينا بنرجع بالعمر فترة . والمفروض انك تشكرنى أنك رجعت لذكرياتك تانى ..ههههه

ثالثا : بالنسبه للقصيده الثانيه ونهايتها ذكرتنى بالسؤال عن أخانا عبد الرحمن فارس .. المدون الذى اعتقل بالعريش هذا الأسبوع .

ولهذا ذكرت أسمه بعد نهاية القصيده .

تحيتى لك يا اخى ..
وفى انتظار زيارتك دوما إن شاء الله :)

ضــى القمــر يقول...

ABOALI

الشكر هنا ليس لى .. بل لك يا اخى .
كلماتك أصاغت الكثير من المعانى .
كتبت ردك بمعانى منتقاه بحكمه ..
لتخرج بأحلى الصور .
ولتزين التعليقات ببريقها .
تحيتى لك يا اخى .
أشكرك بصدق على تعليقك الرائع جداا .

ضــى القمــر يقول...

خديجه محسن

انا اللى بشكرك على زيارتك يا غاليتى .
اتمنى ان اراكِ معى هناا كثييرا .
واشكرك مرة ثاميه على رأيكِ بالبوست
أجمل تحيه ود من القلب لكِ يا اختى
بجد نورتينى :)

ضــى القمــر يقول...

صورتى ..

بعلق عليكى للمرة التانيه ..
أدينا بنرغى مع بعض أكثر .. هههههه
شكرا لكِ يا صورتى على رأيكِ اللى بيهمنى جداا ..
أجمل تحيه من قلبى لكِ

ضــى القمــر يقول...

زينب

نورتينى بزيارتك الأولى الجميله ..
واللى بيها خليتى مدونتى بجد أجمل :)
أهى مجامله ومش هتخسر برضه ولا ايه ؟؟ ...ههههههه

لو هنسأل هنسأل عن الف حسن يا زينب ..

الله يرجعهم كلهم بالسلامه يارب ..
حسبنا الله ونعم الوكيل

ضــى القمــر يقول...

د/ ايمن

أشكرك على تواجدك الراقى الذى اسعدنى كثيرا ..
وشكرا لجمال كلماتك هنا
أجمل تحيه من القلب لك

ضــى القمــر يقول...

كيارا

انتى اللى زى العسل يا كيارا :)
الله لا يحرمنى منك
شكرا لكِ ولتواجدكِ معى

ضــى القمــر يقول...

حسام

أين مليون حسن ؟؟
وأين المدونين الذين اعتقلوا قريبا .. واين واين واين ؟؟؟
شكرا لتواجدك يا اخى الكريم

tarek alghnam يقول...

كُـنْ طَـريَّ القَلـبِ،
كُـنْ سمْحَـاً، رقيقـاً ..
مثلَما أيِّ حَجَـرْ .
لا تكُنْ مِثـلَ سلاطيـنِ البَشَـرْ
@@@@@@@@@@@@@@@@@@@@@@@@
أينَ الرّغيفُ واللّبَـنْ ؟
وأينَ تأمينُ السّكَـنْ ؟
وأينَ توفيـرُ المِهَـنْ ؟
وأينَ مَـنْ يوفِّـر الدّواءَ للفقيرِ دونمَا ثمَنْ ؟
مَعْـذِرَةً يا سيّـدي
.. وَأيـنَ صاحـبي ( حَسَـنْ ) ؟!
**
وهنا أقول وَأيـنَ صاحـبي ( عبد الرحمن فارس ) ؟!
ضى القمر
ماشاء الله عليكى
وعلى روعه ماتقدميه
استمتعت بشعر مطر
واوجعنى شعر مطر
الذى تكلم بلسانى ولسانك
الذى مسك المشرط ليواجه داء البلد
تقبلى تحياتى
وسعادتى كلما دخلت مدونتك الرائعه
وسعيد بتواصلك معى

عايش... ولكن !!!! يقول...

حقا انه احمد مطر
احبه جداااااااااااا
وضعونى فى اناء ثم قالوا لى تأقلم
وانا لست بالماء فاذا ضاق انائى بنموى يتحطم

FreeKiller يقول...

انا الحمد لله لاقيت مطر كله مطبوع

بس امووووت و الاقي درويش كله برضه مطبوع
اصلي بحب الكتاب المطبوع
بدايق من قرايه كتاب او روايه او ديوان عالنت

شكرا لردك الرقيق عليا
تسلميلي

أمل حمدي يقول...

كُـنْ طَـريَّ القَلـبِ،
كُـنْ سمْحَـاً، رقيقـاً ..
مثلَما أيِّ حَجَـرْ .
لا تكُنْ مِثـلَ سلاطيـنِ البَشَـرْ !

صدقتي حبيبتي
عندما قرأت القصيدتين اذهلني المعني في الاولى
والواقعية في الثانية
اشكر لك اختيارك الرائع والموفق
حفظك الله ورعاكي

Nabil يقول...

ضى القمر نور هادىء ينبعث الينا ولطالما اعجبنا به وابهرنا
تهانى علي ذوقك وعلي اختيارك الانيق
هو فعلا شاعر رائع جدا
وان كان فاروق جويده ونزار قبانى ينافسوه عندى لكن يبقي له مكانه الرفيع
تحياتى كمان مره علي ذوقك

ضــى القمــر يقول...

انا ودماغي

والله زيارتكِ انتِ اللى جميله جداا .. نورتينى بجد .

اما بخصوص سرك فى هو فى بير غويض متقلقيش ..ههههههه
وكويس انك أخيرا سمعتى عنه .. دورى بقه على قصائده واقريها وشوفى ايه رأيكِ فيه ؟؟ أكيد هتعرفى ايه اللى مش فى مطر ومش فى غيره .

سلام حبيبتى .
وخليكى انتِ تكتبى كل مرة رد أجمل ومعرفش ارد عليكِ بأيه ؟؟ ..ههههه
كل الحب من القلب لكِ اختى

ضــى القمــر يقول...

أستاذى طارق.

والشكر موصول لك يا اخى بتواجدك الذى يسعدنى ويشرفنى دائما .
فكم أحترم رأيك واعتز به كثييرا
وفى انتظار توجيهك دائما لى .
تحيتى لك يا اخى الفاضل

ضــى القمــر يقول...

عايش ..

جميل ما اخترت من ابيات فى تعليقك
واسمحلى ان اكلمها هناا ..

وضعوني في إناء ثم قالوا لي: تأقلم
وأنا لست بماء، أنا من طين السماء
وإذا ضاق إنائي بنموي يتحطم
خيروني بين موت وبقاء
بين أن أرقص فوق الحبل
أو ارقص تحت الحبل
فاخترت البقاء، قلت أعدم
فاخنقوا بالحبل صوت الببغاء
وأمدوني بصوت أبدي يتكلم

واخيرا .
تحيتى لك يا اخى

ضــى القمــر يقول...

كيلر ..
معاكِ حق والله .. الكتاب المطبوع احسن بكثيير .. وافضل من مليون كتاب على النت .

خاصه لما تمسكى الكتاب وتقرى منه شويه قبل النوم .. بجد عيشه :)

عامة أكيد هينزل لدرويش الفترة دى .. يعنى الاهتمام بيزيد بالشخص بعد موته اكثر .

اتمنى لكِ التوفيق حبيبتى

ضــى القمــر يقول...

اموله .

بشكرك على زيارتك اولا ..
والحمد لله ان القصائد نالت اعجابكِ
حفظكِ الله ورعاكِ اختى
تحيتى لكِ من القلب

FreeKiller يقول...

عامة أكيد هينزل لدرويش الفترة دى .. يعنى الاهتمام بيزيد بالشخص بعد موته اكثر .

***************

كلامك من كتر صحته وجعني
بجد
اشمعمنا احنا اللي ما بنكرمش الناس الا بعد وفاتهم
و مبنحسش بقيمتهم الا ما نفقدهم

لازم يعيشوا متحسرين عشان محدش واخد باله منهم
و الناس تتحر عليهم بعد ما يموتوا عشان تكريمهم جه بعد فوات الاوان


لا حول و لا قوة الا بالله
ربنا يجعل مثواه الجنة

ضــى القمــر يقول...

نبيل .

أشكرك على كلماتك الرائعه يا اخى :)
وفاروق ونزار شعراءئ كبار أيضا .. وقرأت لهم الكثير .. لكن بالنسبه لى يحتل احمد مطر المرتبه الأولى .

أشكرك على جمال تعليقك يا اخى
تحيتى لك ولتشريفك

ضــى القمــر يقول...

أمين يارب العالمين ..

ده لأننا شعب أصلا مش بنقدر قيمه الشخص بجد يا كيلر ..

أى شخص ناجح ومخلص فى عمله بجد .. مش بياخد حقه هنااا .. حقه بيكون بره . مش هناا

وبالنسبه للشعراء أو الكتاب .. محدش بيعرفهم غير بعد موتهم لأن الاعلام مش بيتهم بيهم زى ما بيهتم بالفن واصحابه .. فالكثير مش بيعرفهم غير فى الضجه اللى بتحصل عند موتهم وبس .
وبعد كده يبدأو يكرموهم .. قال يعنى احترام لذكراهم ..

وندعو الله ان يجعل مثواه الجنه يا اختى

غير معرف يقول...

شوفى يا ضى الاحساس نعمه فعلا...
يعنى ممكن كتير يقرا القصايد ومتأثرش فيه زيك كده او مياخدهاش ويربطها على مواقف حياتيه شايفها ومتعايشها
اعتقد ده اليى بيفرق بين البشر وبعضهم الاحساس...
ادامه الله عليكى نعمه من نعمه ..اللهم امين..

غير معرف يقول...

بعدين مطر وغيره من الشعرا بيعتبروا من فطاحل الشعرا ..ومن مبدعيه وده لسبب ان قصايدهم بتبقا عايشه لاحاث مستمره على مرالسنيين يعنى ممكن كمان ستيين سنه يبقا نفس القصيده معبره عن مواقف وازمات حياتيه مشابهه..
اختيار موفق ..يا ضى فعلا انتى اسم على مسمى ضى القمر..والحروف اليى بتعمل كلمه بتكون فى النهايه جمله تنير بيها الطريق..
ربنا يكرمك دائما وتفضلى جميله كده دايما يا ضى الحروف..

**sad smile** يقول...

بصراحة مدونة رائعة ومميزة جدا

وبووست جميل جدا

ومدونتك رقيقة جدا ما شاء الله

وبالتوفيق دايما أن شاء الله

وكل سنة وأنتي طيبة .

ضــى القمــر يقول...

محاسن

الأول اهلا بيكِ وربى نورتينى يا قمر ..
بجد فرحت جداا لما شوفت تعليقكِ .

خاصة انه مش اى تعليق .. ده تعليق يجنن وذوق جدا جدا يا محاسن ..

ادام الله عليكِ يا محاسن نعمة العفويه وطيبه القلب والعقل يا حبيبتى يارب .
الله لا يحرمنى منكِ ولا من ردكِ التحفه ده ..
ْ
وده رد اولى على التعليق الأولى ..
هرد على ردك الثانى ..
أهو زيادة رغى مش اكثر ...هههههههه

ضــى القمــر يقول...

محاسن ..

فى شعراء كثيير كانوا كتاب كبار لكن قصائدهم اتنست .. وطوى عليها الزمان صفحاته .. لكن بعض الشعراء مهما طال الزمن فعلا لقصائهم سحرها الخاص المعاصر لكل زمن ..

ولو انى اتمنى اننا فى الزمن اللى جاى ننسى قصائهم تماما ..
لما نشوف رخاء وحياه منتعشه اكثر .. وطبعا ده مستحيل يحصل اصلا ..

محاسن .
بجد نورتينى وجملتى مدونتى بحضورك .. وأتمنى أنى اكمل ما بعثر من احرفى هناا بوجودكِ معايا دايما ..

سلام يا اجمل واطعم واظرف محاسن :)
اجمل تحيه حب من قلبى لكِ

ضــى القمــر يقول...

very sad

اهلا بيكِ وفى عالم التدوين كله يا اختى .
اسعدنى وشرفنى رأيك جداا بالبوست
تحيتى لكِ اختى
واتمنى من تحرمينى من تواجدكِ معى دوما
محبتى لكِ

Unknown يقول...

وتأبى كلمات القلب إلا البقاء

ضــى القمــر يقول...

انا انسان

واتمنى ان تظل هكذا دائما ..
لا ترضى سوى بالبقاء
أشكرك على تواجدك الراقى هناا يا اخى .

ذو الوجه المبتسم يقول...

السلام عليكم
ممكن انضم للتعليق بمدونتك
اولا احييكى على اختيار المواضيع المختار والمميزة والتى تحس على التفاعل بين الحياة والسياسة
مش هاكذب عليكى
كتير فكرت فى كل ده واعلم اننى لست وحدى من يفكر
ولكن ماذا علينا ان نفعل
انقلاب - تغيير - انسحاب
ماذا ؟ ماذا ؟
معلش فى اللفظ لو اقوله
خلينا عايشيين وساكتين

تحياتى

ضــى القمــر يقول...

ذو الوجه المبتسم

وعليكم السلام ورحمة الله وبركاته
أهلا بك وبزيارتك الغاليه يا اخى
واشكرك على كلماتك الرائعه والتى اسعدتنى كثيرا والله .

ولكن هو ليس حث على التفاعل .. بقدر ما هى معانى موجوده بنا جميعا .. بتخرج لما نشوف حاجات أكبر من اننا نتخطاها .. فبتبان نرفزتنا فى حروفنا .

واظن ان الموضوع معانا عمره ما هيوصل لأنقلاب ولا تغير .. لأننا بقينا بنعرف ازاى نتكلم وبس للأسف ..

أخى الكريم .. معاك حق فى اللفظ فعلا .
خلينا عايشين وساكتين .. ما هو ده الواقع فعلا ..

واخيرا
أجمل تحيه لتوجدكِ الراقى يا اخى

مـجـنـووون يقول...

أحمد مطر شاعر سياسي جميل وكلماته مؤثرة ومعبرة

أنه ينطق بلسان الأمة العربية وما يحصل لها من مهازل

كم أسعدني مروري أخي الكريم في مدونتك الجميله

تقبل مروري
مجنووون

EMMY BABY يقول...

بجد والله فعلا احساسك بالشعر ده هو اللى روعة

احمد مطر فعلا معروف غنى عن الكلام


بوست جميل فعلا

تحياتى

ايمى

ضــى القمــر يقول...

مجنووون

صدقت فيما قلت يا اخى عن مطر
واشكرك اكثر على زيارتك الغاليه للمدونه ..
عن جد نورتنى يا اخى ..
ملحوظه : انا اختك مش اخيك :)
تحيتى لك من القلب

ضــى القمــر يقول...

ايمى

والاجمل من ده كله زيارتك للمدونه يا قمر .. :)

اسعدنى بتوجدكِ يا اختى

بس يارب تتكرر تانى :)

أجمل تحيه لكِ من القلب

مدونة حكومتى ملاك يقول...

السلام عليكم ..

شكرا أخى على هذه القصائد وعلى البوست .

من كلمات أحمد مطر أيضا :

ملحوظــة

ترَكَ اللّصُّ لنـا ملحوظَـةً
فَـوقَ الحَصيرْ
جاءَ فيها :

لَعَـنَ اللّهُ الأمـيرْ

لمْ يَـدَعْ شيئاً لنا نسْرِقَـهُ

.. إلاَّ الشّخـيرْ !

تحياتى ...

عمار صبرى .

Unknown يقول...

جيتى على الجرح
واخترتى كلمات من رصاص
لشاعر لا يعرف الخوف ولا النفاق ولا الرياء !!!
بس هو فى حاكم بيفهم الكلام داا؟؟

بنوتة يقول...

حلوين أوي بجد
أتمنى تدخلي تشوفي مدونتي هيجديدة وأنا محتاجة تشجيع

ضــى القمــر يقول...

عمار

جميل ما اخترت من كلمات فى تعليقك .
تحيتى لك ولتواجدك الكريم فى المدونه يا اخى

اجمل تحيه من القلب لك

ضــى القمــر يقول...

نهر الحب

والله معاكِ حق
مفيش حاكم بيفهم كده .
ولو فاهم هيعمل نفسه فاهم علشان محدش يقول عليه فاهم ومطنش أو فاهم ومش عارف يحل حاجه

( ايه الفهم الكثير اللى بقوله ده :) )

نهر وربى اسعدينى بزيارتكِ ونورتى المدونه .
أجمل تحيه لكِ ولزيارتكِ الغاليه

ضــى القمــر يقول...

بنوته

شكرا لكِ ولزيارتكِ الغاليه حبيبتى
وعى فكرة مدونتكِ حلوة جدااا . ربنا يوفقكِ فيها يارب يارب

تحيتى لكِ من القلب أختى

شفـقــة و إحســــان يقول...

ايه الكلام الساحر ده
القصائد بجد تحفة
لقد احسنتى الاختيار

Tamer Alhosiny يقول...

عزيزتي ضي القمر لقد كنت اعلنت في داخلي اني ساقاطع مدونتك لامر شخصي
يتعلق باسم ضي القمر لكن زيارتك لي اتهمتني بالانكار
وموضوعاتك التي قرئتها الان اتهمتني بالظلم
نعم فكلها موضوعات جميلة ظلمت نفسي فيما مضي وامتنعت عن قرائتها
لكنني اعدك ان اكون متابع لها
فهي بحق رائعة

اما عن احمد مطر
فانت تتحدثين هنا ليس عن الانسان او الشاعر او المحارب لاجل الحرية
بل تتحدثين عن ثورة تجتاح نفوسنا
كلما قرئنا كلماته
فهو ثورة ضد ما يمر به المواطن العربي
لهاذا هو لسان الضمير العربي

تحياتي
عزيزتي ضي القمر

تامر الحسيني
انسان عاشق حر

(احمد سكر ) يقول...

السلام عليكم ورحمة الله وبركاته

ضى القمر

شدنى الاسم جدا

مما جعلنى اقلب فى مدونتك الموضوع تلو الموضوع

الى شدنى قلمك لحروفك

لكلماتك

لهمساتك

سعدت جدا بمرورى على تلك المدونه الرائعه

وبخصوص الشاعر احمد مطر

انتى اتكلمتى بما فيه الكفايه

احييكى على اختيار ك

دمتى بكل الود

احمد سكر

romansy يقول...

عزيزتى ضى القمر
انا مش عارف اشكرك ازاى على كتابتك للبوست الجميل دا
متعرفيش قمة فرحى لما قريت الكلمات الرقيقة دى
كلمات بتعبر عن واقع عايشينة بالفعل
بجد جميل وروعة
تحياتى
رومنسى

بنت مصريه يقول...

حسن ورا الشمس للاسف
تعرفى يا ضى القمر انا لما كملت البوست دا عينى رارأت من الدمع وامتلأت به
لان هو دا زمننا دلوقتى
حسبى الله ونعم الوكيل
احييكى عالبوست الاروع من الرائع

أكون أو لا أكون يقول...

نعم يا ضي القمر...

أحمد مطر... وهل يخفى القمر؟
يخجل الكلام عن وصف كتاباته التي تجعلنا أن نتردد قبل كتابة أي كلمه وكأنه محكمه نقاضينا...
أحمد مطر... وناجي العلي قلمان... وكل له فنه الخاص... وكل منهما يعبر بكل جرأه لكن الاثنان على خط واحد... أحمد مطر الذي يرسم لنا الصوره بكل جرأه ووضوح من خلال كتاباته...
ناجي العلي... يتكلم من خلال رسوماته... بكل إباء... وتحدي... بدون خوف أو تردد...
احسنت ... موضوع رائع...

أعجبني ستايل مدونتك...

mostafa rayan يقول...

الراجل دة جامد جدا
وكلامه دايما بيجي على الجرح
بارك الله له ولك
وكل سنة وانتي طيبة

الوان الحياة يقول...

السلام عليكم ورحمة الله وبركاته
اختي ضي القمر جزاك الله خيرا البوست بجد جميل الاستاذ احمد مطر ماكتبش عن الزمن ده ده الزمن بيعيد نفسه بس علي الله نفوق ونصحا

ضــى القمــر يقول...

شفقة هانم واحسان بك

وربى نورتونى بزيارتكم المدونه ..

وبعتذر عن التأخير فى الرد .. لكن رمضان له طقوس خاصه دايما :)

اجمل تحيه من القلب لكما .

ضــى القمــر يقول...

تامر

أولا : أثارت كلماتك فضولى .. فلماذا تقاطع هذا الأسم ؟؟ :)
لو كان بسبب بوست قرأته عندى فأتمنى أن تبلغنى بهذا .. واعتذر إن كنت السبب فى ذلك يا اخى .

فأنت أخ كريم وصاحب مدونه بحق متميزة .

واشكرك على رأيك الغالى فيما قرأت .

وبخصوص أحمد مطر .

فليس لى تعقيب على ما قولت .. إلا انك أحسنت فيما قولت عنه ..

فهو بحق لسان الوطن العربى .

أخى تامر .

شكر خاص لتعليقك الرائع هناا

تحيتى لك ..

ضــى القمــر يقول...

احمد سكر ..

سعدت كثييرا بكلماتك الرائعه .

واشكرك على رأيك الغالى فى المدونه .

وبكل صدق كم أحترم رأى مدون كبير مثلك ..

تحيتى لك يا اخى ..

وأشكرك على زيارتك الغاليه التى اسعدتنى وأضاءت المدونه :)

ضــى القمــر يقول...

رومنسى

وانا مش عارفه بجد اشكرك ازاى على تعليقك وزيارتك :)

وبجد فرحت جدااا إن البوست نال الأعجاب منك ..

تحيتى لك من القلب يا اخى ..

نورتنى بزيارتك .

ضــى القمــر يقول...

بنت مصريه .

فعلا ده زمانا دلوقتى حبيبتى ..

بس واضح ان الكلام ده هيكون لكل زمن يا بنوته ..

ومش هيبطل الكلام ده ابداااااا

اشكركِ جداا على زيارتكِ اختى .

محبتى لكِ

ضــى القمــر يقول...

أكون أو لا اكون ..

أولا انتى نورتينى بزيارتكِ الغاليه حبيبتى .

ثانيا : عجبنى تعليقكِ جدا ..وانكِ ذكرت احمد مطر وناجى العلى .. وفعلا معاكِ حق بجد .. تفكيرهم واحد لكن كل واحد بيعرض بشكل مختلف .

واخيرا ..
الحمد لله أن الأستايل عجبكِ
شكرا لكِ غاليتى .
محبتى لكِ

ضــى القمــر يقول...

مصطفى .

حمدلله بالسلامه ..:)
وفعلا كلامه دايما بيجى على الجرح .
شكرا لك ولتعليقك يا مصطفى .
كل عام وانت بخير .
تحيتى لك

ضــى القمــر يقول...

الوان الحياه ..

فعلا الزمن بيعيد نفسه دايما .
شكرا لكِ زيارتكِ الغاليه وتعليقكِ .
فى انتظاركِ دائما يا غاليتى
أجمل تحيه من القلب لكِ

فارس بلا جواد يقول...

سعيد بزيارتي الاولي لمدونتك
احييك علي انتقائك لهذة الاشعار .. بالفعل الشاعر احمد مطر من الشعراء المميزين واحب أن اقرأ له كثيرا .. و كنت معجب جدا بالقصيدة الثانيه حين قرأتها له أول مرة
ان شاء الله تكون لنا لقاءات اخري
تحياتي

عـــــا شــــق الـــحــــب يقول...

انا عجبتنى قوى مدونتك
شكرا على الكلام الجميل والشعر الجميل دا
بشكرك انتى غذيتى روحى بجد

ضــى القمــر يقول...

فارس بلا جواد

وانا اشكرك على تواجدك وزيارتك المدونه
واشكرك على جمال كلماتك وتعليقك ..
تحيتى لك من القلب

ضــى القمــر يقول...

عاشق الحب

لقد اسعدتنى حقا بكلماتك ورأيك الغالى .
اتمنى ان تنير مدونتى بزيارتك دائما
تحيتى لك يا اخى الغالى